ပျောက်ဆုံးနေတဲ့အမှန်တရားအတွက် ကြိုးစားတော့မယ်ဆိုတဲ့ ကောင်းမြတ်စံ

ကောင်းမြတ်စံဟာ MRTV-4 ဇာတ်လမ်းတွဲတစ်ခုဖြစ်တဲ့ " The Sign Of Love " ဇာတ်လမ်းမှတစ်ဆင့် ပရိတ်သတ်တွေရဲ့အားပေးမှုကိုတခဲနက်ရရှိထားတဲ့ မင်းသားလေးတစ်လက်ပါ။ သူရဲ ပါးချိုင့်လေးတွေ အပြုံးချိူချိုလေးတွေက ပရိတ်သတ်တွေကို စွဲဆောင်ထားနိုင်တာပဲ ဖြစ်ပါတယ်။ လတ်တလောမှာလည်း မဂ္ဂဇင်း၊ ဓာတ်ပုံကြော်ငြာတွေရိုက်ကူးနေပြီး ဇာတ်ကားတွေလည်းဆက်တိုက်ပါဝင် သရုပ်ဆောင်ရိုက်ကူးနေတာ တွေ့ရပါတယ်။ 

သူဟာ ချစ်သူ ၊ ရည်းစားတောင်မထားပဲ သူချစ်တဲ့ ပရိတ်သတ်ကြီးအတွက် ဇာတ်ကားတွေကို ကြိုးစားပမ်းစားရိုက်ကူးနေတယ်လို့လည်းပြောကြားထားပါသေးတယ်။ လက်ရှိမှာတော့ " နှလုံးသားနှင့်အနီးဆုံး " ဇာတ်လမ်းတွင် ကောင်းမြတ်သူအဖြစ် ပါဝင်သရုပ်ဆောင်ထားပါတယ်။ သရုပ်ဆောင်မှာလည်းပီပြင်သလို ချစ်စဖွယ်ကောင်းတဲ့အမူအရာလေးတွေကြောင့်လည်း နှုတ်ခမ်းနီမလေးတွေရဲ့အသည်းကိုဖမ်းစားထားနိုင်သူလေးပါ။

ယနေ့မနက်ကလည်း ၂၀၁၉ ခုနှစ်ရဲ့ပွဲဦးထွက် ဇာတ်လမ်းတွဲတစ်ခုဖြစ်တဲ့ " ပျောက်ဆုံးနေသော အမှန်တရား " အတွက် ကန်တော့ပွဲပေးတက်ရောက်လာပုံများကို သူ့ရဲ့လူမှုကွန်ယက်စာမျက်နှာထက်တွင် ဝေမျှထားပါတယ်။ ပါးချိုင့်လေးတွေနဲ့ပရိတ်သတ်တွေရဲ့ အချစ်တော်မင်းသားလေး ကောင်းမြတ်စံရဲ့တည်ကြည်ခန့်ညားတဲ့ ပုံရိပ်လေးတွေကို ဖော်ပြပေးလိုက်ပါတယ်နော်။

Photo - Kaung Myat San