ပရိသတ်တွေနဲ့ ဝေးကွာမသွားဘဲ တေးသီချင်းတွေဆက်လက်ဖန်တီးနေတဲ့ ဆိုတေး

တေးသံရှင်ဆိုတေး ဆိုတာကတော့ သူ့ရဲ့ခံစားချက်ပါတဲ့ သီချင်းစာသားလေးတွေရယ် သာယာညိမ့်ညောင်းတဲ့ အသံအေးအေးလေးတို့ကြောင့် ပရိသတ်တွေရင်ထဲရောက်ရှိလာတဲ့ တေးသံရှငိတစ်ဦးပဲဖြစ်ပါတယ်။

သူ့ရဲ့သီချင်းတွေဖြစ်တဲ့ မီးအိမ်ရှင် ၊ အဝေးရောက်ချစ်သူ ၊သစ္စာ နဲ့အခြားသောတေးသီချင်းတွေများစွာကလည်း အဆွေးခံစားချက်မရှိသူတွေတောင် နားထောင်မိလိုက်တာနဲ့ ဆွေးသွားစေနိုင်တဲ့သီချင်းလေးတွေပဲဖြစ်ပါတယ်။

ဆိုတေးဟာ သူ့ရဲ့ဒုတိယမြောက် တစ်ကိုယ်တော်တေးအယ်ဘန်ဖြစ်တဲ့ မင်္ဂလာပါ တေးအယ်ဘန်မထွက်ခွင်မှာ ဘဝမှာအရမ်းကြီးမားတဲ့ ကံကြမာအလှည့်အပြောင်းကြီး တစ်ခုနဲ့ကြုံခဲ့ရပေမယ့် လုံးဝအရှုံးမပေးဘဲ သူချစ်တဲ့ပရိသတ်တွေရဲ့ ရှေ့မှောက်ကို ပြန်လည်ရောက်ရှိအောင်ကျိုးစားခဲ့သူလေးတစ်ဦးပါပဲ။

တချို့ပရိသတ်တွေကတော့ ဆိုတေးဟာ မင်္ဂလာပါ.အခွေထွက်ပြီးထဲက ပရိသတ်တွေနဲ့ ဝေးကွာသွားပြီလို့ထင်ကြပေမယ့် တကယ်တော့လူမှုကွန်ယက်ပေါ်က မီဒီယာတွေနဲ့သာဝေးကွာသွားခဲ့တာပါ ၊ ဆိုတေးကတော့ သူမြတ်နိုးတဲ့အနုပညာအလုပ်တွေကို တတ်စွမ်းသလောက် ပြုလုပ်နေဆဲပဲဖြစ်ပါတယ်။

လတ်တလောမှာဆိုရင်လည်း ဆိုတေးဟာ သူ့ရဲ့သီချင်းအသစ်လေးတွေများစွာကို ကြိုးစားပြီးဖန်တီးနေပါတယ်။

သိပ်မကြာခင်မှာ ဆိုတေးရဲ့သီချင်းအသစ်လေးတွေကို နားဆင်နိုင်တော့မှာဖြစ်သလို ပရိသတ်တွေရဲ့နှလုံးသားထဲမှာရော ဆိုတေးအတွက် နေရာလေးတွေရှိသေးရဲ့လား။

ဆိုတေးရဲ့သီချင်းတွေထဲက ပရိသတ်တွေအကြိုက်ဆုံး.သီချင်းလေးတစ်ပုဒ်ကိုလည်း ပြောပြခဲ့ကြဦးနော်။

Source - Singer So Tay