ကြည့်ရှုသူတိုင်း ရင်ကိုထိမှန်သွားစေမယ့် မုန်းစွဲဇာတ်ကားမှ နေတိုး၊မင်းသွေး၊မအေးသောင်းတို့ မိသားစုလေးရဲ့ဇာတ်ဝင်ခန်းဗီဒီယိုဖိုင်လေး

သရုပ်ဆောင် နေတိုး၊မင်းသွေး၊ကျော်ကျော်ဗို၊ ဖွေးဖွေး၊ မအေးသောင်းတို့ အကောင်းဆုံးပါဝင်သရုပ်ဆောင်ထားတဲ့ "မုန်းစွဲ" ရုပ်ရှင်ဇာတ်ကားကြီးကတော့ အနုပညာလောကအတွက် သမိုင်းမှတ်တိုင်တစ်ခု စိုက်ထူပေးနိုင်တဲ့ ဇာတ်ကားကောင်းတစ်ကား ဖြစ်ပါတယ်။ အချစ်စိတ်ကြီးတဲ့အခါမှာ အချစ်စွဲတတ်သလို အမုန်းစွမ်းအားကြီးမားတဲ့အခါမှာလည်း မုန်းစွဲတတ်ကြောင်းကို ရသပေးထားတဲ့ ဘာသာရေးဇာတ်ကားကြီးပဲ ဖြစ်ပါတယ်။ သရုပ်ဆောင်တွေရဲ့ ပြောင်မြောက်တဲ့အိုက်တင်တွေနဲ့ အားလုံးပူးပေါင်ကြိုးစားထားတဲ့ ဒီဇာတ်ကားကြီးကတော့ ကြည့်ရှုသူတိုင်း ရင်ကိုထိမှန်စေနိုင်ပါတယ်။

ဒီဇာတ်ကားကြီးမှာတော့ နေတိုးနဲ့ မင်းသွေးက ညီအစ်ကိုတွေဖြစ်ကြပြီး မအေးသောင်းကတော့ နေတိုးရဲ့ချစ်ဇနီးလေးပဲ ဖြစ်ပါတယ်။ အခုလည်း မုန်းစွဲဇာတ်ကားမှ သူတို့မိသားစုသုံးယောက်လေးရဲ့ ဇာတ်ဝင်ခန်းဗီဒီယိုဖိုင်လေးတစ်ခု ထပ်မံထွက်ရှိလာတာ တွေ့ရပါတယ်။ ဒီဗီဒီယိုလေးမှတော့ ပျော်ရွှင်စရာကောင်းတဲ့ သူတို့မိသားစုလေးရဲ့ ရိုးရှင်းတဲ့ထမင်းဝိုင်းလေးက စကားပြောခန်းလေးကို တင်ဆက်ပေးထားတာပဲ ဖြစ်ပါတယ်။ အချစ်ပိုနေတဲ့ မအေးသောင်းနဲ့ နေတိုးရဲ့ကြည်နူးမှုကို မနာလိုအူတိုဖြစ်ကာ ဒေါသထွက်နေတဲ့ မင်းသွေးရဲ့အိုက်တင်အမူအရာနဲ့ ပြောပုံဆိုပုံတွေက တကယ့်ကိုအံ့အားသင့်လောက်အောင် ကောင်းမွန်လှပါတယ်။

တစ်ချိန်တည်းမှာပဲ မင်းသွေးက အစ်ကိုဖြစ်သူတို့လင်မယားကို အားကျမခံဘဲ သဲပြင်စုက မသဲအုံ(ဖွေးဖွေး)ကို ကြိုက်နှစ်သက်နေတာကြောင့် မိန်းမတောင်းပေးဖို့ တောင်းဆိုလိုက်တာ တွေ့ရပါတယ်။ အခုလို စိတ်ရောကိုယ်ပါနှစ်ပြီး သရုပ်ဆောင်ထားတဲ့ မင်းသွေးရဲ့ဗီဒီယိုလေးကိုတော့ ကြည့်မိသူတိုင်း စိတ်မကောင်းဖြစ်နေရမှာ အမှန်ပဲ ဖြစ်ပါတယ်။ အားလုံးမျှော်လင့်စောင့်စားနေရတဲ့ "မုန်းစွဲ" ရုပ်ရှင်ဇာတ်ကားကြီးကတော့ နိုဝင်ဘာလ ၁၆ ရက်နေ့မှာ မြန်မာနဲ့စင်ကာပူနှစ်နိုင်ငံလုံးမှာ တစ်ပြိုင်နက်တည်း ရုံတင်ပြသတော့မှာ ဖြစ်ပါတယ်။ ကြည့်ရတာတန်စေမယ့် ဇာတ်ကားကောင်းကြီးဖြစ်တာကြောင့် လက်မလွှတ်တမ်း သွားရောက်ကြည့်ရှုဖို့ တိုက်တွန်းပေးလိုက်ပါတယ်နော်။ ကဲ ချစ်ပရိသတ်တွေအတွက် နေတိုး၊မင်းသွေး၊မအေးသောင်းတို့ မိသားစုလေးရဲ့ဇာတ်ဝင်ခန်းဗီဒီယိုဖိုင်လေးကိုလည်း အောက်မှာ တင်ဆက်ပေးလိုက်ပါတယ်။

Source:မုန်းစွဲ ရုပ်ရှင်ဇာတ်ကားကြီး;