ဒါရိုက်တာမိုက်တီးအတွက် ဆုတောင်းပေးလိုက်တဲ့ ဒေါ်ရွှေဇီးကွက်

လတ်တလော အနုပညာလောကကို ရိုက်ခတ်နေတာက မူးယစ်ဆေးဝါးအမှုတွေပါ ။ အဆိုတော် ရွှေထိုက်ကစ ရသ ပြီးနောက်မှာ ဒါရိုက်တာ မိုက်တီး ထိ မူးယစ်ဆေးဝါးလက်ဝယ်တွေ့ရှိလို့ ထိန်းသိမ်းခံခဲ့ကြရပါတယ် ။ ကျော်ကြားလူသိများသူတွေဖြစ်တဲ့အတွက် ပရိိတ်သတ်တွေကြားမှာလည်း ဒီအမှုတွေက စိတ်ဝင်စားစရာ အမှုတွေဖြစ်လို့နေပါတယ် ။ မကြာသေးခင်ကမှ မူးယစ်ဆေးလက်ဝယ်တွေ့ရှိမှုနဲ့ ထိန်းသိမ်းခံခဲ့ရတဲ့ ဒါရိုက်တာကိုမိုက်တီးရဲ့ ညီမဖြစ်သူ ချစ်ချစ်ဇော်နဲ့ လင်းဇာနည်ဇော်တို့ညီအမက သူ့တို့အကိုအတွက် စိတ်သောကတွေကြောင့် စီစဉ်ထားပြီးသားအလှုကို ဆက်လက်လုပ်ခဲ့ရပေမယ့် မျက်ရည်စက်လက်လှုခဲ့ရတယ်လို့ ရင်ဖွင့်ပြောကြားထားခဲ့သလို အခြားသော ကိုမိုက်တီးနဲ့ ရင်းနှီးတဲ့ ကိုမိုက်တီးအကြောင်းကောင်းကောင်းသိတဲ့ ခင်မင်ရင်းနှီးသူတွေက နှမျောတသဖြစ်နေရပါတယ် ။

ပရဟိတမင်းသားကြီး ဦးကျော်သူရဲ့ ပါရမီဖြည့်ဘက်ဖြစ်တဲ့ ဒေါ်ရွှေဇီးကွက်ကလည်း

" ကိုမိုက်ရယ် မိုက်လိုက်တာကွယ်။ ကိုယ့်ကို အပြစ်မရှိ အပြစ်ရှာနေကြမည့် အချိန်မှာတော့ ရှောင်သင့်တာပေါ့။

ဒါပေမဲ့ ပြည်သူဘက်က အမြဲရပ်တည်နေတဲ့ကိုမိုက်ရဲ့ အခုလုပ်ရပ်ကလည်း သူများအပေါ်ယုတ်မာတာမဟုတ်တာမို့ ကျမတို့ကတော့ ချစ်ခင်နေဆဲပါလေ။ ကံကောင်းပါစေ။

ရောင်းဝယ်ဖောက်ကားနေတဲ့ လက်ကြီးသမားပင်ရင်းတွေကိုဖြိုနိုင်မှ မြန်မာပြည်သူတွေရဲ့ဘဝ ရင်အေးရမှာပါ။ " လို့ ခင်ပွန်းသည်ဖြစ်သူ ဦးကျော်သူနဲ့ နာရေးကူညီမှုအသင်းမှာ ပြည်သူတွေရဲ့ အကျိုးကို အားတတ်သရော ၀ုိင်းဝန်း ဆောင်ရွက်ပေးနေတဲ့ ဒေါ်ရွှေဇီးကွက် ( ခေါ် ) ဒေါ်မြင့်မြင့်ခင်ဖေက ယူကြုံးမရဆိုခဲ့တာပါ ။

ဒါရိုက်တာမိုက်တီးကလည်း အနုပညာမှာရော နိုင်ငံရေးမှာပါ သူစွမ်းတဲ့ဘက်က အမာခံပါ၀င်ကြိုးပမ်းခဲ့သူမို့ မိတ်ဆွေတွေရဲ့ ချစ်ခင်မှုကို ခံယူရသူတစ်ဦး ဒီလို အဖြစ်မျိုးကြံုရတဲ့အပေါ်မှာ စိတ်မကောင်းဖြစ်နေကြတာပဲဖြစ်ပါတယ် ။ 

သတင်းအရင်းမြစ် Daw Myint Myint Khin Pe