မန္တလေးမှာ ချစ်သူနဲ့သွားလည်သင့်တဲ့နေရာများ

မန္တလေးမြို့ကို သွားရောက်လည်ပတ်ကြတဲ့ ချစ်သူတွေဘဲ ဖြစ်ဖြစ် မန္တလေးမြို့ကချစ်သူ စုံတွဲတွေဘဲ ဖြစ်ဖြစ် သွားရောက်လည်ပတ်သင့်တဲ့နေရာတွေကို ဖော်ပြပေးလိုက်ပါတယ်နော် ။ မန္တလေးနယ်ခံတွေအတွက်ကတော့ ကိစ္စမရှိပေမယ့် တခြားမြို့ကလာရောက် လည်ပတ် တဲ့ချစ်သူစုံတွဲတွေအတွက် ဘယ်သွားရမှန်းမသိဖြစ်နေရင်တော့ ဒီစာလေးကို ဆုံးအောင် ဖတ်သွားပါနော် ။

ရန်ကုန်ရောက်ရင် ရွှေတိဂုံဘုရားကို မေ့ထားလို့မရသလို မန္တလေးရောက်ရင်တော့ မဟာမြတ်မုနိဘုရားကြီးကို မေ့ထားလို့မရပါဘူးနော် ။ အဲဒါကြောင့် နံနက်ပိုင်း မနက်စော စော လေး ထပြီး မဟာမုနိဘုရားကြီးကိုသွားဖူးသင့်ပါတယ် ။ မနက် ၄နာရီလောက် စော စောထ နိုင် တယ်ဆိုရင်တော့ ဘုရားမျက်နှာသစ်တော်ရေ ကပ်တာပါဖူးခွင့်ရမှာပါ ။

မနက်စာ စားမယ်ဆိုရင်တော့ ရှမ်းခေါက်ဆွဲကြိုက်တတ်တဲ့သူတွေအတွက် " ရွှေမူဆယ်" ဝက်သားလုံး / အမဲလုံး ကိုး စားဖြစ်အောင် စားသွားသင့်ပါတယ် ။ မန်းလေး မုန့်တီ နန်းကြီး သုပ် စားချင်တယ်ဆိုရင်တော့ " စိုးစိုး " "ဒေါ်တော" "ရွှေရောင်လင်း" တို့မှာသွားရောက်ပြီး စားသင့်ပါတယ်နော် ။ ခိုတောင် မုန့်တီစားချင်ရင်တော့ အောင်တော်မူ ဘုရားနားက "ခိုတောင်သူလေး" "၂၉လမ်း မောင်ကိန်းရွှေဆိုင်နားက ခိုတောင်ဗန်းရွက်ဆိုင်" မှာ စားဖြစ် အောင်စားပါနော် ။ လက်ဖက်ရည်ဆိုင် ထိုင်မယ်ဆို "Unique” “Generation “ ကတော့ ရှယ်ဘဲနော် ။

မနက်စာစားပြီးရင်တော့ နေအရမ်းမပူခင် ကျုံးဘေးလေးမှာ နှစ်ယောက်အတူ လမ်းခဏ လျှောက်ပြီး ဓါတ်ဖမ်းလို့ရသေးတယ်နော် ။ နန်းတွင်းထဲက မြနန်းစံကျော် ရွှေနန်းတော် ကိုလည်း ဝင်လည်လို့ရပါတယ် ။ မှတ်ပုံတင်လည်း ယူသွားဖို့မမေ့နဲ့နော် နန်းတွင်းထဲဝင်ရင် မှတ်ပုံတင်ပြရပါတယ် ။

နန်းတွင်းကထွက်ရင် မန်းတောင်ခြေက "ကုသိုလ်တော်" "စန္ဒာမုနိ" "ကျောက်တော်ကြီး" "သတ္တဌာန" "ရွှေကျောင်း" "အတုမရှိကျောင်း" ဘက်တွေ သွားလည် တနေရာနဲ့ တနေရာ နီးနီးလေးတွေဆိုတော့ တစ်ဆက်ထဲသွားလည်လိုက်လို့ရပါသေးတယ် ။ နှစ်ယောက်အချိန်ရသေးတယ်ဆိုရင်တော့ မန်းလေးတောင်ပါတက်လို့ရသေးတယ်နော် ။

နေ့လည်ပိုင်းရောက်ရင်တော့ နေ့လည်စာကတော့ ရွေးမယ်ဆိုရင် မြန်မာ ထမင်းဟင်းမှ ကြိုက်တတ်တယ်ဆိုရင်တော့ "အေးမေတ္တာ" "ဒေါ်လေးမေ" "တူးတူး" "မင်္ဂလာပါ" "ဒေါင်းလန်းကြီး" ၊ ကချင်ဇကောထမင်းဆို "ယမုံနာ"

Europium food ဆို “ Cafe City” “ Coffee Korner” “Royal Mandalay “ တွေမှာ သွားစားလို့ရတယ်နော် ။

Korea စာကြိုက်တတ်ရင်တော့ “Korea Town” ၊ Japan စာဆို " Fuji” “Sushi House” “ရိုးရာ" Thai စာဆို "ထိုင်းမယ်အောင်" Hotpot ဆို "Fudo” “Hotpot Garden “ မာလာရှမ်းကော - "Spicy House” “သင်းပျံ့မွှေး" စတဲ့ဆိုင်တွေ က အရသာကောင်းတယ်လို့ ညွှန်းလိုက်ပါရစa။

နေ့ခင်းဘက်အေးအေးဆေးဆေး နေရာမျိုးသွားချင်တယ်ဆိုရင်တော့ သွားသင့်တာက မင်္ဂလာမန္တလေး-New Ocean” မှာ Shopping ထွက် , ရုပ်ရှင်ကြည့်ပြီး ဗိုက်ပြန်ဆာရင် KFC , Lotteria တို့မှာ ကြက်ကြော်ဆွဲပြီး အအေးဆိုင်တေ ပါတ်သောက် ပစ်လိုက်လို့ရ တယ်နော် ။  လမ်းဘေးအအေးဆိုင်ဆို - "ဖောင်တော်သီ" "လေပြေညင်း"ဆိုင်တွေကို ညွှန်းလိုက်ပါရစေနော် ။

ညနေစောင်း လည်ပတ်ချင်တယ်ဆိုရင်တော့ ညနေ sunset လေးကို "ဦးပိန်တံတား" မှာသွားကြည့်သင့်ပါတယ် ။ လူမရှုပ်ရင်တော့ Romance ပဲနော် ။ ငှက်လှေလဲ စီးလို့ရတယ် ။ ဦးပိန်မှာ "သဇင်နွယ်" က အကြော်စုံ ၊ ဆိတ်သားထောင်း ၊ ငါးဖယ်လုံးချဉ်စပ် ဟင်းရည် သောက် ပီးရင် အုန်းရည်လေးသောက် ရှယ်ဘဲနော် ။

ဦးပိန်မသွားပဲ နှစ်ကိုယ်တူချစ်စကားလေးတွေ ပြောဖို့ အေးအေးဆေးဆေး စကားပြောဖို့ရည်ရွယ်ထားရင်တော့

" Goffee- Coffee” “Cafe Nova” “Teapresso” “Next Station” “Milan” “Full House” “Chabuzz”ဆိုင်လေးတွေက အဆင်ပြေပါတယ်နော် ။

မန္တလေးရောက်တုန်း ရတနာပုံတက္ကသိုလ်ထဲကို သွားရောက်လည်ပတ်ပြီ းအမှတ်တရ ဓာတ်ဖမ်းလို့လဲရသေးတယ်နော် ။ ချစ်သူကောင်မလေးက ဒုတ်ထိုးကြိုက်တယ်ဆိုရင်တော့ - "တွတ်ပီ" "မြင့်လွင်" တို့ဒုတ်ထိုးဆိုင်ကိုလိုက်ပို့လိုက်ပို့သင့်ပါတယ် ။ အကင်ဆို - ဝင်းဝင်း ၊ မိန်းထဲက အကင်ဆိုင်တန်း တွေက အရသာရှယ်ဘဲနော် ။

နှစ်ယောက်အတူတူ မန္တလေးလာပြီး ဘယ်သွားရမှန်း ရေရေရာရာ မသိသေးတဲ့ trip အတူတူ ထွက်မယ့် ချစ်သူစုံတွဲတွေအတွက် သွားရောက်လည်ပတ်လို့ရမယ့်နေရာတွေ ဖော်ပြပေးလိုက်ပြီနော် ။

ဒီထဲက တချို့နေရာတွေ ကိုယ်တိုင် မသွားတတ်ဘူးဆိုရင်တော့ Mini Oway တို့ Grab သုံးဘီး တို့ Get Ride Taxi Service တို့ရှိလာတော့ သွားရေးလာရေးလဲ အဆင်ပြေလို့ လမ်းညွှန်ပေးလိုက်ပါတယ် ။

Source : Siraveller - Let’s Travel with SiThu