ပွဲတစ်ခုမှာ အတူတွေ့ရတဲ့ ချမ်းမင်းရဲထွဋ်နဲ့ နေခြည်ဦး

အနုပညာလောကရဲ့ တက်သစ်စ မင်းသားတစ်လက်ဖြစ်သလို ပရိသတ်တွေရဲ့ အားပေးချစ်ခင်မှုကို ရရှိထားသူလည်း ဖြစ်တဲ့ ချမ်းမင်းရဲထွဋ်ကတော့ နာမည်ကြီး Beauty Blogger နေခြည်ဦးနဲ့အတူ video အတိုလေးတစ်ခု တင်ထားတာ တွေ့ရပါတယ်။ ကြော်ငြာတစ်ခုအတွက် နှစ်ဦးဆုံတွေ့ခဲ့တာ ဖြစ်ပြီး တင်ထားတဲ့ ဗီဒီယိုဖိုင်လေးဟာလည်း သူတို့နှစ်ဦးရဲ့ ခင်မင်တဲ့ရင်းနှီးမှုကို ဖော်ပြလို့နေပါတယ်။

ချမ်းမင်းကတော့ ဒီဗီဒီယိုလေးကို သူ့ရဲ့ Facebook မှာသာမက instagram story မှာလည်း တင်ထားပါသေးတယ်။ ချီချီကတော့ ဒီဗီယိုလေးရဲ့အောက်မှာ "You're my best friend" ဆိုပြီး gif လေးနဲ့ comment ဝင်ရေးထားတာကိုလည်း တွေ့ရပါတယ်။ ပရိသတ်တွေကတော့ သူတို့နှစ်ဦးရဲ့ပုံစံလေးကို အတော်လေးသဘောကျနေကြပြီး "နှစ်ယောက်လုံးကို ချစ်တယ်" ဆိုပြီး comment ရေးသားထားတာလေးတွေလည်း တွေ့ရပါတယ်။

လက်ရှိမှာတော့ နေခြည်ဦးဟာ သူမရဲ့ပရိသတ်တွေအတွက် review တွေ Vlog တွေကို အပတ်စဉ်ပုံမှန်တင်ဆက်ပေးနေတာ တွေ့ရပြီး မကြာခင်မှာလည်း ရုပ်ရှင်ဇာတ်ကားရိုက်ကူးဖို့ လက်ခံထားတယ်လို့ သိရပါတယ်။ ချမ်းမင်းကတော့ ကြော်ငြာတွေနဲ့ TVC တွေ လက်ခံရိုက်ကူးနေတယ်လို့သိရပြီး မနက်ဖြန် (၂၇) ရက်နေ့မှာတော့ ပရိသတ်တွေနဲ့အတူ ရွှေတိဂုံဘုရားမှာ စတုဒိသာကျွေးမယ်လို့ သိရပါတယ်။

Photo Source : Cham Min Ye Htut