အားလုံးက ချစ်ကြတဲ့ ပြင်ပလောကက ဘေဘီ ဟာနုမာန်

မဟာတန်ခိုးရှင် ဟာနုမာန် ကို ကြည့်ရှုပြီးကြသူတိုင်း ဟနုမာန် အဖြစ် သရုပ်ဆောင်ခဲ့တဲ့ ဘေဘီဟနုမာန်လေးကို သတိရကြမှာပါ ။ မဟာတန်ခိုးရှင် ဟာနုမာန် ငယ်ဘဝမှာ မယ်တော် အဉ္စနာ အပေါ်သိတတ်မှု ၊ အကင်းပါးမှု၊ ပြိုင်စံရှားတဲ့ ဉာဏ်ပညာရှိမှုတွေကို သရုပ်ဆောင်ပြသခဲ့တာကတော့ ကလေးသရုပ်ဆောင် Ishant Bhanushaliဘဲဖြစ်ပါတယ်။

သရုပ်ဆောင်ကောင်းလွန်းတဲ့ ဘေဘီ ဟာနုမာန်လေးဟာ တခြား ရာဇဝင် ရုပ်သံဇာတ်လမ်းတွေ "Peshwa Bajirao" မှာလည်းသရုပ်ဆောင်ထားပါသေးတယ်။ဒီလို သရုပ်ဆောင်ကောင်းလွန်းတဲ့ ဘေဘီဟာနုမာန်လေးဟာ ခေသူတော့မဟုတ်ပါဘူး။ Ishant Bhanushali ဟာ ၂၀၁၄ ခုနှစ်ကတည်းက သရုပ်ဆောင်လောက ကို ဝင်ရောက်ခဲ့သူဖြစ်ပါတယ် ။ ဒါ့အပြင် မင်းသားကြီး ဆလန်မာန်ခန်း (Salman Kham) နဲ့ တွဲဖက်ပြီၤး ' Bajanrangi Bhaijaan' ရုပ်ရှင်ကားမှာပါဝင်သရုပ်ဆောင်ထားပါတယ်။ 

ချစ်စရာ သားသားလေး ဟာနုမာန် တစ်ယောက် ပြင်ပလောကမှာလည်း ချစ်စဖွယ်အမူအရာလေးတွေကြောင့် လူချစ်လူခင်ပေါတဲ့အပြင် 2016 Gold Award ရဲ့ အထူးချွန်ဆုံးကလေးသရုပ်ဆောင်ဆုကို လည်း ပိုင်ဆိုင်ထားသူတစ်ယောက်ဖြစ်ပါတယ် ။ ပရိသတ်ကြီးအတွက် ရိုက်ကွင်း နဲ့ ပြင်ပလောက က ဟာနုမာန် ရဲ့ ပုံလေးတွေ ကို ပရိသတ်ကြီးအလွမ်း ပြေဖို့အတွက် ပြန်လည်တင်ဆက်ပေးလိုက်ပါတယ်။ ဘေဘီဟာနုမာန်လေးကို သတိရကြသေးလား ပရိသတ်ကြီးရေ။