မြို့တက်ဓာတ်ပုံရိုက်ရတာပါဆိုတဲ့ မြတ်သူသူဇင်

စာလေးတွေကဗျာလေးတွေ မကြာခဏရေးတင်လေ့ရှိသူကတော့ မြတ်သူသူဇင်ဆိုတဲ့ မင်းသမီးချောလေးပါ။ သူမလေးကိုတော့မြတ်သူသူဇင်ဆိုတဲ့ နာမည်လေးထက် “ ရတနာ ထဲက ရတနာ” ဆိုတဲ့ ဇာတ်လမ်းတွဲလေးထဲက နဂါးမလေးဆို ပိုပြီး သိမယ်ထင်ပါတယ်။ ပရိသတ်တွေက တီဗွီဖန်သားပြင်ပေါ်မှာ မမြင်တာကြာလို့ မေ့သွားမှာစိုးရိမ် ပါတယ် လို့ဆိုပါတယ်။

ဒါကြောင့်သူမက ရုပ်ရှင်ကားကြီးတစ်ခုနဲ့အတူ ပရိသတ်ဆီပြန်လာဖို့ ရိုက်ကူးနေပါပြီ။ ဒီရုပ်ရှင်ဇာတ်ကားကြီးနာမည်ကတော့ “ ကဲ မယုံချင်နေ” ဆိုတဲ့ ရုပ်ရှင်ကားကြီးပဲ ဖြစ်ပြီး ဒီကားကြီးထဲမှာတော့ သူမကတောသူမလေးတစ်ယောက်အဖြစ် ပိုင်နိုင်စွာ သရုပ်ဆောင် ထားပါတယ်။ ချစ်ဖို့ကောင်းတဲ့ တောသူမလေးအပြင်အဆင်များနဲ့ သူမတစ်ယောက်က မြို့ကိုတက်ပြီး ဓာတ်ပုံရိုက်တာပါတဲ့ ။

သရုပ်ဆောင်ကို ငယ်စဉ်ကတည်းက ရူးသွပ်ခဲ့သူတစ်ဦးမဟုတ် တာကြောင့် သူမရဲ့ ငယ်ငယ်က အိပ်မက်ကတော့ ရွာကျောင်းလေးမှာ ကျောင်းဆရာမလေး ဖြစ်ချင်ခဲ့တာပါလို့ဆိုပါတယ်။

ကလေးငယ်လေးများကို စာသင်ပေးတဲ့ကျူရှင်ဆရာမလေးတစ်ဦးဘဝကနေ “ ရွှေပုပ္ပါး ဦးအုန်းခိုင်” ရဲ့ သရုပ်ဆောင်သင်တန်းကနေ အနုပညာခရီးကာစတင်ခဲ့ကာ MRTV- 4 ရဲ့ဇာတ်လမ်းတွဲအတွက် မျက်နှာသစ်သရုပ်ဆောင်အဖြစ် ရွေးချယ်ခံရကာ နေရာတစ်နေ ရာရရှိခဲ့တာပါ။ ဒါကတော့ နဂါးမလေးမြတ်သူသူဇင်ရဲ့ လတ်တလောအကြောင်းအရာများကို ပြန်လည်မျှဝေပေးခဲ့တာပဲ ဖြစ်ပါတယ်။

Source – Myat Thu Thu Zin FB