သုံးစွဲသူသန်းသုံးဆယ်ကျော်သွားပီဖြစ်တဲ့ Viber

မြန်မာနိုင်ငံသို့Viberရောက်ရှိလာခဲ့ချိန်မှစ၍ ယခုအချိန်အထိ Viberသုံးစွဲလာသူဦးရေမှာ သန်းသုံးဆယ်ကျော်သွားပီဖြစ်သည်။ Viber အနေနဲ့လည်း Social Content တွေနဲ့ဆက်နွှယ်နေတဲ့ ဖန်တီးမှုတွေကိုဖန်တီးသွားမှာဖြစ်တယ်လို့ Viber (SEA and SA) ရဲ့ Asia Regional Head Office မှ Head Office Bussiness Development ဖြစ်သူ Anubhav Nayyar ကပြောပါတယ်

“ Social Content တွေနဲ့ဆက်နွယ်တဲ့ ဖန်တီးမှုတွေကို ဆောင်ရွက်သွားမှာဖြစ်ပါတယ်။ ဥပမာ အားဖြင့် ဖွေးဖွေးရဲ့ Viber Public Account ဖန်တီးပေးတာမျိုးလုပ်ပေးခဲ့ပီး နောက်ထပ်လည်း ဆောင်ရွက်သွားမှာဖြစ်ပါတယ်” လို့ သူကပြောပါတယ်။ မြန်မာနိုင်ငံမှာ လွန်ခဲ့တဲ့တစ်နှစ်ခွဲထက်စာရင် Viber အသုံးပြုသူဦးရေ တိုးတက်လာခဲ့ပီး ထိုသို့တိုးတက်လာခြင်းမှာ အင်တာအသုံးပြုမှုနှင့် ဖုန်းအသုံးပြုသူဦးရေ တိုးတက်လာခြင်းကြောင့်ဖြစ်တယ်လို့ဆိုပါတယ်။မြန်မာနိုင်ငံက လူငယ်တွေအနေနဲ့ အချစ်နဲ့ပတ်သက်တဲ့ စတစ်ကာတွေကို ကြိုက်ကြပီး လူကြီးပိုင်းအများစုကတော့ Video Callခေါ်တာကို ပိုပီးသဘောကျတယ်လို့ သိရပါတယ်။

“ Viberအသုံးပြုတဲ့အခါ အခြေခံအားဖြင့် အခမဲ့စာပို့တာ၊ အခမဲ့စာပို့တာ၊ အဖွဲ့လိုက်ချက်တင်ပြုလုပ်တာတွေကို အများဆုံးအသုံးပြုကြတာပါ။ ပြီးတော့ စတစ်ကာလေးတွေလည်း အပြန်အလှန် ပို့ ကြတာပေါ့။ ယခုအချိန်မှာတော့ စတစ်ကာပေးပို့တာတွေအပြင် လျှို့ဝှက်ချက်တင်ပြုလုပ်နိုင်တာတွေလည်းပါ၀င်လာပါပီ။ ဒီ့အပြင် GIF ဖိုင်ပေးပို့ခြင်းတွေလည်း လုပ်ဆောင်နိုင်ဦးမှာပါလို့” သူကဆက်လက်ပြောကြားပါတယ်။