နန်းမော်နဲ့ GFatt နဲ့ ကြား ၀င်ဖြေရှင်းပေးခဲ့တဲ့ ယုန်လေး

အဆိုတော် ယုန်လေးစီစဉ်တဲ့ ကိုယ့်သမိုင်းကိုယ်ရေးကြသူများ ၂ ဇာတ်ကားက ရုံတင်ကာနီးပြီမို့ ဇာတ်ကားရဲ့ ပိုစတာတွေလဲ ထွက်ရှိလာပါပြီ ။

ပိုစတာက ယခင်ထဲက စီစဉ်ထားတဲ့ ဒီဇိုင်းမဟုတ်ဘဲ ပြန်ပြင်ဆင်ပြီးထုတ်ခဲ့တဲ့အပေါ် ပါ၀င်သရုပ်ဆောင်ကြသူများကြားမှာ

မကျေမလည်မှု အနည်းငယ် ရှိခဲ့ကြပါတယ် ။ ပထမ ပိုစတာပုံမှာ ပါ၀င်ခဲ့တဲ့ မော်ဒယ်နန်းမော်ဟာ ဒုတိယအတည်ပိုစတာ ပြန်ထုတ်တဲ့အချိန်မှာ

မပါ၀င်တော့တာကိုတွေ့ရှိခဲ့ရပြီး နန်းမော်က နာမည်မကြီးလို့ လူရာမဝင်ဘူးလား လို့ ဆိုခဲ့ကာ ဒေါသထွက်ပြီး အောက်ပါအတိုင်း ပုံနှစ်ပုံကိုယှဉ်ပြပြောဆိုခဲ့ပါတယ် ။

နန်းမော်ဟာ ဒီဇာတ်ကားကြီး ရိုက်ကူးနေစဉ်က အဆိုတော် Gfatt နဲ့ ချစ်သူတွေဖြစ်နေခဲ့ပြီး ခုချိန်မှာတော့ လမ်းခွဲလိုက်ကြပြီဖြစ်တဲ့အတွက် GFatt ပါတဲ့ ပုံမှာ နန်းမော်ကို တမင် ဖြုတ်ချခဲ့တာလို့ နန်းမော်ရဲ့ ပရိတ်သတ်တွေက ထင်ပြီး ၀ုိင်းဝန်းဝေဖန်မှုများလည်း ရှိခဲ့ကြသလို ထိုကိစ္စနဲ့ပါတ်သတ်တယ်လို့ ယူဆရတဲ့ GFatt ရဲ့ Comment တစ်ခုကိုလည်း ၀ုိင်းရှုံချခဲ့ကြပါတယ် ။  

အဲဒီ မကျေလည်မှုကို ယုန်လေးက ၀င်ရောက် တောင်းပန်ခဲ့ပြီး ပုံကို ချက်ချင်းပြန်ပြင်ပေးခဲ့တာပါ ။ 

" အစ်ကိုပဲ တောင်းပန်ပါတယ်ညီမလေးရေ။

အစ်ကို ကအားလုံးကို တာဝန်ယူထားတဲ့ သူ အကြီးဆိုတော့ အစ်ကို တောင်းပန်ပါတယ်ညီမလေး။

G Fatt နဲ့ လုံးဝမဆိုင်ပါဘူး။

အစ်ကိုလည်း ဒီကားကိုတင်ဖို့ အရမ်းTry နေရတာက

အလုပ်အရမ်းရှုပ်တယ်နားလည်

စေချင်တယ်ညီမလေး .

တစ်ခုရှိတာက

ညီမလေး ပုံမပါလို့ပြောမယ်ဆို

အစ်ကို့ ကို ဝင်ကူထားတဲ့

ရဲလေး Cobra ခင်မြဇ္ဇူခိုင် KNyi

မိုးထက် Ibeatz ထက်နိုင် သားလတ် မထူးမွန်

သူတို့ပါ Photo မထည့်ပေးလို့

အမြင်ဆောင်းမယ်ဆိုရင်

အစ်ကို ဘယ်လိုလုပ်ရမလဲ

အားလုံးထည့်ရင်လည်း

ထုံးစံ ရှေးရှေးက ကားတွေလို

Design က အသုပ်စုံလို့ဖြစ်နေမှာပေါ့။

ညီမလေး အစ်ကို့ကို နားလည်စေချင်ပါတယ်။

အစ်ကို ့ က တစ်ဇောက်ကန်းပါ။

ဒီလိုဝိုင်းပြောတော့မှ ပုံပြန်လုပ်ပေးတယ်ဆိုပြီး အပြောခံမယ့် ကောင်မဟုတ်ဘူး။

ဒါပေမဲ့ ကြိုက်တာပြောပေါ့ အစ်ကိုလည်း ညီမလေး သံယောဇဉ်ရှိတဲ့ အတွက် ပုံချက်ချင်း Design သမားကိုပြန်လုပ်ဖို့ချက်ချင်းပြောခိုင်းမယ်နော် ။

၃၀ မိနစ်လောက်စောင့် ညီမလေး ဒီ Status မှာပဲ အစ်ကို Design ရတာနဲ့ လာပို့ပေးပါမယ်။

အစ်ကို့ ကိုလည်း အစ်ကိုအရင်းလို

အရင်လို သံယောဇဉ်ရှိသေးရင်

ဝင်ကူပါ ညီမလေးရေ . တကယ်ကို အခက်ခဲများစွာပါ ရုံလေးတင်ရဖို့ကို

တော်တော် ခက်ခဲနေလို့ပါ ညီမလေးရယ်။

ကိစ္စ အားလုံး အတွက် ဘာဖြစ်ဖြစ်တောင်းပန်ပါတယ်နော် ညီမလေး .

နန်းမော်လေးရဲ့ ချစ်ခင်သူ ပရိတ်သတ်များကို လည်း ကျွန်တော်တောင်းပန်ပါတယ်။

ညီလေး G Fatt နဲ့ လုံးဝမဆိုင်ပါဘူး။

အစ်ကို့ကြောင့်ပါ။ " လို့လည်း သူက ဆိုခဲ့ပါတယ် ။ 

အဆိုတော်တွေနဲ့ လူငယ်တွေသဘာဝအကြောင်း ရိုက်ကူးထားတဲ့ ဒီရုပ်ရှင်ဇာတ်ကားကြီးဟာ ပထမဇာတ်ကားမှာထဲက လူငယ်တွေကြားအောင်မြင်မှုရရှိခဲ့ပြီး ယခုဒုတိယဇာတ်ကားကြီးအဖြစ် ထပ်မံရိုက်ကူးခဲ့ရာမှာ ရိုက်ကူးပြီးတာ ကြာပြီဖြစ်ပေမယ့် ရုံတင်ဖို့ ကြန့်ကြာမှုတွေ ရှိခဲ့ရတာပါ ။ ခုမှ ရုံတင်ခွင့်ရမယ့် ဇာတ်ကားကြီးအတွက် ယုန်လေးကတော့ အရာရာအားလုံးအဆင်ပြေအောင်ဝင်ရောက် ညှိနှိုင်းပေးနေတာကိုလည်းတွေ့ရှိရပါတယ် ပရိတ်သတ်ကြီးရေ ... 

သတင်းအရင်းမြစ် Nan Maw and Yone Lay