ဆယ်လီနာဂိုးမက်စ် အသက်ရှင်ဖို့ ကျောက်ကပ်လှုပေးခဲ့တဲ့ သူငယ်ချင်း

တကယ့်ကို သူငယ်ချင်းကောင်းပီသတဲ့သူပါပဲ ။

ဆွေမျိုးအသိိုင်းအဝိုင်းထဲကတောင်လှုနိုင်ခဲတဲ့ ကိုယ်တွင်းအဂါင်္အစိတ်အပိုင်းကို သူငယ်ချင်းအတွက် ထုတ်လှုခဲ့တဲ့ မိတ်ဆွေစစ်ကတော့ Francia Raisa လို့ခေါ်ပါတယ် ။

အသက်ရှင်ဖို့ ကျောက်ကပ်လိုအပ်နေတဲ့ ဆယ်လီနာအတွက်ကတော့ တန်ဖိုးမဖြတ်နိုင်တဲ့ အကူအညီတစ်ခုဖြစ်မှာပါ ။

ဆယ်လီနာကတော့ နေမကောင်းလို့ ဖျော်ဖြေပွဲတွေအကုန်ရပ်နားပြီး ဆေးရုံတက်ခဲ့ရတဲ့ သတင်းတွေထွက်လာခဲ့ပြီးနောက်ပိုင်းတွေမှာ ပျောက်ချက်သားကောင်းနေခဲ့ရတဲ့ အကြောင်း ပရိတ်သတ်တွေကို instagram ကတဆင့်အောက်ပါအတိုင်းပြောကြားခဲ့ပါတယ် ။ 

" လွန်ခဲ့တဲ့ နွေရာသီတစ်တွင်းလို့ ကျွန်မပျောက်နေခဲ့တာကို ပရိတ်သတ်တွေ သတိထားမိမယ်ဆိုတာ သိပါတယ် ။ ကျွန်မ ဂုဏ်ယူရတဲ့ ကျွန်မရဲ့သီချင်းသစ်ကိုဘာလို့ Promote မလုပ်တာလဲလို့ မေးမြန်းမှုတွေလဲရှိလာပါတယ် ။ အမှန်တော့ ကျွန်မ Lupus ရောဂါကြောင့် ကျောက်ကပ်လဲလိုက်ရပြီး အနားယူဖို့လိုအပ်တာမို့ပါ ။

ဒီလတွေအတွင်းဖြတ်သန်းခဲ့ရတဲ့ ကျွန်မရဲ့ အဖြစ်တွေ မင်းတို့ကို ပြန်မျှဝေချင်ခဲ့တာပါ ။ နေမကောင်းတဲ့အချိန် အနားမှာ ဂရုစိုက်ပေးတဲ့ မိသားစု ၊ အောင်မြင်အောင် ခွဲစိတ်ပေးခဲ့တဲ့ဆရာဝန်တွေအားလုံးကိုလဲ ကျေးဇူးတင်ပါတယ် ။ ဘယ်လိုစကားလုံးတွေနဲ့ ကျေးဇူးတင်ရမှန်းမသိလောက်အောင်ကို ကျေးဇူးတင်မိတဲ့သူကတော့ ကျွန်မရဲ့ သူငယ်ချင်းလေး Francia Raisa ပါပဲ ။ သူမဟာ ကျွန်မကို တန်ဖိုးမဖြတ်နိုင်တဲ့ တစ်ခုထဲသော လက်ဆောင်ကိုပေးခဲ့လို့ပါ ။ ကျွန်မအတွက် သူ့ရဲ့ကျောက်ကပ်ကို ထုတ်ပေးခဲ့ပါတယ် ။

ကျွန်မ တကယ်ကို ကောင်းချီးအပေးခံခဲ့ရတာပါ ။ အရမ်းချစ်ပါတယ် " လို့ ဆယ်လီနာက ထုတ်ဖော်ပြောကြားခဲ့ပါတယ် ။

ဒီလိုမိတ်ဆွေမျိုးနဲ့ ကြုံဆုံရတာ သူ့အတွက်တော့ တကယ်ကံကောင်းတယ်လို့ ဆိုရမှာပါပဲနော် ...

သတင်းအရင်းမြစ် selena gomez