ထိုင်းအနုပညာရှင် စုံတွဲတွေဖြစ်ကြတဲ့ ထိုင်းမင်းသား P Push နဲ့ မင်းသမီး Warattaya တို့ကတော့ လက်ရှိမှာ သာယာပျော်ရွှင်ဖွယ်ကောင်းတဲ့ အိမ်ထောင်ရေးလေးကို တည်ဆောက်ထားတာပဲ ဖြစ်ပါတယ်။ P Push ကတော့ လက်ရှိမှာ You Touched My Heart ဆိုတဲ့ ဇာတ်လမ်းလေးထဲမှာ ပါဝင်ထားပြီး ပရိသတ်တွေရဲ့ အားပေးမှုူတွေကို သိမ်းပိုက်ထားနိုင်သူလဲ ဖြစ်ပါတယ်။
သူတို့နှစ်ယောက်ရဲ့ ဘဝထဲကို သားလေး PJ ကလည်း ရောက်လာပြီမို့ ဖေဖေရော မေမေရောက သူတို့ရဲ့ အချိန်တွေအားလုံးကို သားလေးကိုပဲပေးထားပြီး ချစ်မဝနိုင်ဖြစ်နေကြတာပါ။ လက်ရှိမှာတော့ Warattaya က အနုပညာအလုပ်တွေကို ရပ်နားထားပြီး သားလေးနားမှာပဲ အရိပ်တကြည့်ကြည့်နဲ့ ပြုစုစောင့်ရှောက်နေတာလဲ ဖြစ်ပါတယ်။
ဒါပေမယ့် ဒီနေ့လေးမှာတော့ သူတို့နှစ်ယောက်ရဲ့ Instagarm မှာ ပုံလေးတွေကို မျှဝေထားပါတယ်။ ဖေဖေရောမေမေရောက အရင်က ပုံစံနဲ့မတူဘဲ ဆံပင်ညှပ်ပြီး စတိုင်အသစ်တွေ မိုက်နေကြတာပါ။ ချစ်ဖို့ကောင်းတဲ့ ပုံလေးတွေနဲ့အတူ “သားလေးအိပ်နေတဲ့အချိန် ဖေဖေနဲ့မေမေက ဆံပင်သွားညှပ်နေတာ” ဆိုတဲ့ Caption လေးနဲ့ ရေးပြီးတင်ထားတာပါ။ နှစ်ယောက်လုံးက ဆံပင်အတိုလေးတွေနဲ့ ပိုနုသွားပြီး ပိုချောလာတယ်လို့ ပရိသတ်တွေကလည်း Comment တွေကနေ ဝိုင်းချစ်နေကြပါတယ်။
သတင်းအရင်းမြစ်: Warattaya's IG Acc
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
