တိုက်ခိုက်မှုတွေကြားက ရှာရွတ်ခမ်း ရဲ့ Pathaan ဇာတ်ကားက ဘာလို့အောင်မြင်လာတာလဲ?

ဟောလိဝုဒ် လောကရဲ့ ထိပ်တန်းကြယ်ပွင့်တစ်ဦး ၊ ပရိသတ်အချစ်တော် “ခမ်း” တစ်ခမ်းဖြစ်တဲ့ ရှာရွတ်ခမ်း ကတော့ လေးနှစ်အကြာမှာ အက်ရှင်ဇာတ်ကားတစ်ကားဖြစ်တဲ့ " Pathaan "  ဇာတ်ကားနဲ့ အတူ ပရိသတ်ရှေ့မှောက်ကိုထွက်ရှိလာခဲ့ပြီး အဆိုပါ ဇာတ်ကား ဟာ အတော်လေးတိုက်ခိုက်ခံခဲ့ရပေမယ့် အဲ့ကြားကနေပဲ အောင်မြင်မှုတွေဆက်တိုက်ဆိုသလို ရရှိလာခဲ့ပါတယ်။ ရှာရွတ်ခမ်း ရဲ့ " Pathaan " ဟာ ပိုစတာ စတင်ထွက်ရှိခဲ့ချိန်တည်းက ဇာတ်ကားနာမည်က မွတ်စ်စလင်မျိုးနွယ်စု နာမည်ဖြစ်တာကြောင့် ဒီဇာတ်ကားကို ကျဉ်ဖို့ ၊ မကြည့်ဖို့ ဝိုင်းတိုက်ခိုက်သူတွေ ဘယ်ကမှန်းမသိအောင်ကို ထွက်ပေါ်လာခဲ့ပါတယ်။

သို့ပေမယ့် " Pathaan " ရုပ်ရှင်ကတော့ ပရိသတ်အားပေးမှုအရ တစ်ဟုန်ထိုး ထိုးတက်ကာအောင်မြင်မှုကို သိမ်းပိုက်နိုင်ခဲ့ပါတယ်။ " Pathaan " ရုပ်ရှင် ဘာလို့ဒီလောက် အောင်မြင်ရတာလဲ လို့ သေချာအဖြေရှာကြတဲ့အခါ ပရိသတ်က ရှာရွတ်ခမ်း အပေါ် တကယ်ဖြူစင်တဲ့ မေတ္တာနဲ့ချစ်ကြလို့ပါပဲ။ ဘာကြောင့် ဒီလိုပြောရသလဲဆိုရင် " Pathaan " မထွက်ခင် တစ်နှစ်အလိုမှာ ရှာရွတ်ခမ်း ရဲ့ သားဖြစ်သူကိုဆေးမှု နဲ့ အမှုဆင်ပြီး ငွေညှစ်အရှက်ခွဲဖို့ ကြံစည်ခဲ့ကြသလို " Pathaan " ပိုစတာ ထွက်လာစဉ်ကလည်း ရုပ်ရှင်နာမည်ကို သဘောမတွေ့ကြလို့ ရုပ်ရှင်နာမည် ပြောင်းရင်ပြောင်း ၊ မပြောင်းရင် မကြည့်ဘူးဆိုတဲ့ ခြိမ်းခြောက်မှုအသေးစားက အစ ရှာရွတ်ခမ်း ကို မီးရှို့မယ်ဖြစ်ကြောင်း ၊ အာဏာရပါတီဝန်ကြီးနဲ့အမတ်တွေအားလုံးကအစ ရုပ်ရှင်ကိုပိတ်ပင်မယ် ဆိုတဲ့ အကြီးစားခြိမ်းခြောက်မှုတွေနဲ့အတူ ဖိအားပေးတိုက်ခိုက်ခဲ့ကြတာဖြစ်ပါတယ်။

ဒါတင်သာမက နောက်ပိုင်းမှာဆိုရင် လူရမ်းကားတွေကိုလွှတ်ပြီး " Pathaan " ရုပ်ရှင်ပိုစတာတွေကို ရုပ်ရှင်ရုံတွေကနေ ရိုက်ချိုးပြီး " Pathaan " ရုံတင်ရင် ရုံကိုမီးရှို့မယ်လို့ ခြိမ်း​ခြောက်လှုပ်ရှားမှုတွေလုပ်ခဲ့ကြတာကြောင့် ရှာရွတ်ခမ်း ကို အားပေးကြတဲ့ အသက်အရွယ် အပိုင်းအခြားတိုင်းက ပရိသတ် တွေက ရှာရွတ်ခမ်း ရဲ့ မတရားအနိုင်ကျင့်ခံရမှုကို ဖျက်ဆီးပစ်ရမယ်ဆိုတဲ့ ဆုံးဖြတ်ချက်နဲ့ ရုံမှာသွား အားပေးရမယ်လို့ ဆုံးဖြတ်ပြီး လက်မှတ်တွေဝယ်ကာ ရုံမှာသွားကြည့်ကြရာကနေ အခုလိုစံချိန်အားလုံးချိုးနိုင်ခဲ့ပြီး ကုဋေ(၆၀၀) အထိရရှိလာနိုင်တာဖြစ်ပါတယ်။ ရှာရွတ်ခမ်း ရဲ့ " Pathaan " ဇာတ်ကား က ဘယ်လောက်အထိ အောင်မြင်မှု ရရှိလာမလဲဆိုတာကိုတော့ စိတ်အံ့အားသင့်ဖွယ်စောင့်ကြည့်နေရပြီဖြစ်ပါတယ်။