မိုင် ၁၀၀ လောက် အတောင်ပံမခတ်ဘဲ ပျံသန်းနိုင်ကြတဲ့ ကွန်ဒိုငှက်များ

လင်းတငှက်တွေနှင့် တူတဲ့ ကွန်ဒိုငှက်တွေဟာ မြောက်အမေရိကရှိ စိတ်ဝင်စားစရာ အကောင်းဆုံးငှက်မျိုးစိတ်ထဲမှာ တစ်ခုအပါအဝင်ဖြစ်ပါတယ်။ တကယ်တော့ ဒီမျိုးစိတ်က လင်းတရဲ့ မျိုးနွယ်စုနှင့် ဆက်စပ်မှုရှိပြီး မျိုးစိတ်ပေါင်း ၂ မျိုးလောက်ရှိပါတယ်။

အရှင်းဆုံးပြောရရင်တော့ လင်းတငှက်မျိုးစိတ်ကနေ ဆင့်ကဲပြောင်းလဲလာတဲ့ မျိုးစိတ်ဖြစ်ပါတယ်။ လေ့လာချက်တွေအရ သူတို့ဟာ ကမ္ဘာပေါ်မှာ အကြီးဆုံး ပျံသန်းနိုင်တဲ့ ငှက်မျိုးပါ။ ဘယ်လောက်ထိ ပျံသန်းနိုင်လဲဆိုရင် အတောင်ပံအခတ်ပဲနဲ့တောင် မိုင် ၁၀၀ လောက်အထိ ပျံသန်းနိုင်ကြပါတယ်။

အရွယ်အစားကို ကြည့်ရင်လည်း တော်တော်လေးကြီးတဲ့ အထဲမှာ ပါတယ်လို့ ပြောလို့ရတယ်။ ကွန်ဒိုအမတစ်ကောင်ဆိုရင် အလေးချိန်က ပေါင် ၂၅ ဝန်းကျင်ရှိပြီး အထီးများဟာ ပေါင် ၂၈ အထိရှိကြပါတယ်။ ဒါ့အပြင် အတောင်ပံဟာ ၁၀ ပေကျော်လောက်အထိ ကြီးထွားနိုင်ပါတယ်။ ကယ်လီဖိုးနီးယားပြည်နယ်မှာ တွေ့ရတဲ့ ကွန်ဒိုအရွယ်အစားကတော့ Andean ကွန်ဒိုထက် အနည်းငယ်သေးငယ်ပြီး ပျမ်းမျှအားဖြင့် ၁၈ -၂၀ ပေါင်ရှိပေမယ့် အချို့အကောင်တွေက ပေါင် ၃၀ လောက်ရှိကြပါတယ်။

လင်းတတွေရဲ့ မျိုးရိုးပီသတဲ့အတိုင်း ကွန်ဒိုငှက်တွေကလည်း ကျွဲနွားနှင့် အခြားတိရစ္ဆာန်ရဲ့ အသေကောင်တွေကို စားကြတဲ့အပြင် ကမ်းခြေရှိငါးများနှင့် ပင်လယ်သတ္တဝါများကို စားလေ့ရှိပါတယ်။

သတင်းအရင်းမြစ်: Source - a-z-animals