နွားတစ်ပိုင်း ဒရယ်တစ်ပိုင်းအဖြစ် လူသိများကြတဲ့ Tibetian Takin

Sichuan Takin (Budorcas taxicolor Tibetana) ဟာ Tibetian Takin လို့ခေါ်တဲ့တိရစ္ဆာန်ဖြစ်ပြီး သူတို့ဟာ တိဗက်နဲ့ တရုတ်နိုင်ငံရဲ့ ပြည်နယ်အချို့ဖြစ်တဲ့ Gansu၊ Sichuan၊ Xinjiang တို့မှာ တွေ့ရတဲ့ တာကင်ရဲ့ မူရင်းမျိုးစိတ်ခွဲတစ်ခုဖြစ်ပါတယ်။ Budorcras ဆိုတဲ့ ဝေါဟာရဟာ ဂရိစကားလုံးနှစ်လုံးဖြစ်တဲ့ 'bous' နဲ့ 'dorkas' ကနေ ဆင်းသက်လာကာ နွားနဲ့ ဒရယ်လို့ အဓိပ္ပါယ်ရပါတယ်။ 'taxicolor' ဟာ လက်တင်စကားလုံး ၂ လုံးဖြစ်တဲ့ 'taxus' နှင့် 'hue' တို့မှ ဆင်းသက်လာပေမယ့်လည်း ဝေါဟာရတွေရဲ့ အဓိပ္ပါယ်မှာ ဆိုးရွားခြင်းနဲ့ အသွေးအရောင် ဆိုပြီးဖြစ်ပါတယ်။

မျိုးစိတ်‌တွေကို ယေဘူယျအားဖြင့် အညိုရင့်ရောင် သို့မဟုတ် ရွှေရောင်အမွှေးနဲ့ တွေ့နိုင်ပါတယ်။ သူတို့ရဲ့ နှာခေါင်းဟာ အနက်ရောင်ဖြစ်ပြီး ဦးခေါင်းမှာ ကွေးကောက်နေပြီး တောက်ပတဲ့ အနက်ရောင် ဦးချိုနှစ်ချောင်းရှိပါတယ်။ မျိုးစိတ်‌တွေမှာ အရေပြားဂလင်းများ မပါဝင်ပေမယ့်လည်း အရေပြားဟာ မိုးကာအင်္ကျီလို ပြုမူတဲ့ အဆီတွေကို ထုတ်ပေးပါတယ်။ မျိုးစိတ်တွေရဲ့ ပျမ်းမျှအလေးချိန်နှင့်အရှည်မှာ 330-882 ပေါင် (150-400 ကီလိုဂရမ်) နှင့် 67-87 လက်မ (170-220 cm) အသီးသီးရှိပြီး Sichuan Takin ဟာ 39-55 လက်မ (100-140 cm) အရပ်ရှည်ပါတယ်။

Sichuan takins တွေဟာ ပုံမှန်အရ ထူထပ်တဲ့ တောအုပ်‌တွေ၊ အယ်လ်ပိုင်းသစ်တောတွေ၊ သမမျှတတဲ့ သစ်တောတွေမှာ နေထိုင်ကြပြီး မြက်ခင်းပြင်တွေဟာလည်း နေစရာအဖြစ် တည်ရှိကြပါတယ်။ အပြည်ပြည်ဆိုင်ရာ သဘာဝထိန်းသိမ်းရေးအဖွဲ့ (International Union for Conservation of Nature of Conservation) က မျိုးစိတ်များကို ထိခိုက်လွယ်သူများအဖြစ် ကြေငြာခဲ့ဖူးပါတယ်။ အိုးအိမ်ဆုံးရှုံးခြင်းနှင့် အမဲလိုက်ခြင်းဟာ သူတို့အတွက် အဓိကခြိမ်းခြောက်မှုအချို့ဖြစ်ပါတယ်။

သတင်းအရင်းမြစ်: National Geographic