အနုပညာအလုပ်တွေ ပြန်လည်လုပ်ကိုင်တော့မယ့် မင်းသား Won Bin ရဲ့ ဇနီး မင်းသမီး Lee Na Young

တောင်ကိုရီးယားမင်းသား Won Bin ခေါ်ထယ်စောက်ဟာဆိုရင် အချိန်အတော်ကြာအောင် အနုပညာအလုပ်တွေကနေပြီး ရပ်နားထားတဲ့သူဖြစ်ပါတယ်။ Won Bin က ဇနီးဖြစ်သူ Lee Na Young နဲ့ ၂၀၁၅ ခုနှစ်မှာ လက်ထပ်ထားပြီး အနုပညာ လှုပ်ရှားမှုတွေကပါ အနားယူထားတာဖြစ်ပါတယ်။ သူတို့ဇနီးမောင်နှံနှစ်ဉီးစလုံးက ဇာတ်လမ်းတွဲတွေထဲပါ ပါဝင် ရိုက်ကူးတော့ခြင်း မရှိတော့မယ့် ဇနီးဖြစ်သူ မင်းသမီး Lee Na Young ရဲ့ Comeback ဇာတ်ကားအသစ်ကို ပြန်လည်မြင်တွေ့ရတော့မယ်လို့ သိရပါတယ်။

မင်းသမီး Lee Na Young က ၄ နှစ်အကြာ ရင်သွေးလေးကို ပြုစုပျိုးထောင်ရင်း အနားယူပြီးနောက်မှာ ဒရမ်မာအသစ်နဲ့ ပွဲဦးထွက်လာဖို့ ကြေညာခဲ့တာဖြစ်ပါတယ်။ Lee Na Young က အနုပညာအလုပ်တွေ ပြန်လုပ်ဖို့ကြေညာခဲ့ပေမယ့်လည်း သူမရဲ့ ခင်ပွန်းဖြစ်သူ Won Bin ကတော့ ဆယ်စုနှစ်ကျော်စွာ တည်ငြိမ်နေဆဲပဲ ဖြစ်ပါတယ်။ Won Bin က  ၂၀၁၀ ခုနှစ်တုန်းက The Man from Nowhere ဇာတ်လမ်းရိုက်ကူး အပြီးမှာ ဇာတ်လမ်းတွဲရိုက်ကူးမှုကနေ အနားယူထားတာဖြစ်ပါတယ်။ Won Bin တစ်ယောက် အနုပညာအလုပ်တွေကနေ ရပ်နားထားတာနဲ့ ပတ်သက်ပြီး ပရိသတ်တွေက “ မင်းသား မဟုတ်ဘူးလား .. ရုပ်ရှင်ရိုက်ရမှာပေါ့ ..” “အခုခေတ်ခေတ်ကလေးတွေ Won Bin က ဘယ်သူလဲဆိုတာတောင် မသိကြတော့ဘူး” စသဖြင့် ဝေဖန်ချက်တွေတောင်ရှိခဲ့ပါတယ်။

ခင်ပွန်းဖြစ်သူကို အနုပညာ အလုပ်တွေထဲမှာ သိပ်ပြီး မတွေ့ရတော့ပေမယ့် Lee Na-young ကတော့ Beautiful Days ၊ Romance is a Bonus Book ဇာတ်လမ်းတွဲတွေထဲမှာ ဆက်လက်ပါဝင်နေဆဲပဲ ဖြစ်ပါတယ်။

Won Bin က နှစ်ပေါင်း ၁၃ နှစ်တိုင်အောင် အနုပညာ အလုပ် တွေ ရပ်နားထားပေမယ့်လည်း ကြော်ငြာသရုပ်ဆောင် အဖြစ် ထည်ထည်ဝင်တင်ကို ဆက်လက်ရပ်တည်နေဆဲပဲ ဖြစ်ပါတယ်။