တောင်ကိုရီးယားမင်းသား Lee Jong-suk ဟာဆိုရင် ယမန်နေ့က ကျင်းပပြုလုပ်ခဲ့တဲ့ 2022 MBC Drama Awards ဆုပေးပွဲမှာ Big Mouth ဇာတ်လမ်းနဲ့ “daesang” (grand prize) ဆုကြီးကို ထိုက်ထိုက်တန်တန် ရရှိခဲ့တဲ့သူဖြစ်ပါတယ်။
Lee Jong-suk က ဆုပေးပွဲမှာ ကျေးဇူးတင်ကြောင်းပြောရင်း သူ့မှာ ချစ်သူရှိနေပြီဆိုတဲ့ အကြောင်းကိုပါ ထည့်သွင်းပြောကြားခဲ့ပါတယ်။ Lee Jong-suk က ချစ်သူအကြောင်း ထုတ်ဖော်လိုက်ချင်းမှာပဲ ကမ္ဘာတစ်ဝှမ်းကပရိသတ်တွေက သူတို့ရဲ့ အချစ်ရေးကို များစွာ စိတ်ဝင်စားနေတာဖြစ်ပါတယ်။
လက်ရှိမှာတော့ Lee Jong-suk ရဲ့ ချစ်သူက အဆိုတော် ၊ သရုပ်ဆောင်လေး IU ဆိုတာကို Dispatch က တရားဝင်ထုတ်ပြန်လိုက်ပြီပဲ ဖြစ်ပါတယ်။ သူတို့နှစ်ဦးသားက တွဲနေတာ ၄ လရှိပြီလို့ သိရပြီး မကြာသေးမီက ခရစ်စမတ်ပွဲတော် ကာလမှာလည်း ဂျပန် နိုင်ငံကို အတူတူ ခရီးထွက်ခဲ့ကြတယ်လို့ သိရပါတယ်။
လေဆိပ်မှာ စုံတွဲ ခရီးအတူတူ ထွက်ခဲ့ကြတဲ့ တောင်ကိုရီးယား မင်းသား Lee Jong-suk နဲ့ IU တို့ရဲ့ dating news လေးကို ပရိသတ်ကြီးအတွက် ဝေမျှပေးလိုက်ပါတယ်။ နှစ်ယောက်စလုံးက အချစ်တော်တွေပါ..မင်မင်တော့ကျန်ရစ် ဖြစ်ပါပြီ ..🥹
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
