တောင်ကိုရီးယားမင်းသား Song Joong Ki ရဲ့ ချစ်သူအသစ်ဖြစ်တဲ့ Katy Louise Saunders ရဲ့ သတင်းဟာဆိုရင် ပရိသတ်တွေကြားမှာ နာမည်ကြီးပြီး လူစိတ်ဝင်စားမှု မြင့်တက်လျက်ရှိပါတယ်။ ထွက်ရှိလာတဲ့ သတင်းတွေအရ Katy Louise Saunders က လူလွတ်တစ်ယောက်မဟုတ်ဘဲ ဆယ်နှစ်အရွယ် သမီးလေးတစ်ယောက်ရဲ့ မိခင်ဖြစ်ပါတယ်။ နောက်ထပ် ထွက်ရှိလာတဲ့သတင်းတွေအရလည်း သူမမှာ နောက်ထပ် သားတစ်ယောက်ရှိနေတယ်လို့ သိရပါတယ်။
၂၀၁၃ ခုနှစ်မှာ အီတလီအင်တာတိန်းမန့်သတင်းဌာနက ထွက်ရှိလာတဲ့ အချက်အလတ်တွေအရ ဗြိတိန်မင်းသမီး Katy Louise Saunders က အီတလီကားထုတ်လုပ်ရေး ကုမ္ပဏီ Pirelli ပိုင်ရှင်ရဲ့ သားနဲ့ စေ့စပ်ထားတဲ့သူဖြစ်တယ်လို့ သိရပါတယ်။ ဒါ ကြောင့် Katy Louise Saunders ရဲ့ ခင်ပွန်းဟောင်း ဖြစ်သူက Giovanni Tronchetti Provera ဖြစ်ကောင်းဖြစ်နိုင်ပါတယ်။
ဒီဇင်ဘာလ ၂၆ ရက်နေ့မှာ HighZium Studio ရဲ့ ဖော်ပြချက်အရ မင်းသား Song Joong Ki က ဗြိတိန်မင်းသမီး Katy Louise Saunders နဲ့ တွဲနေခဲ့ကြတာ ၁ နှစ်ကြာသွားပြီလို့ သိရပါတယ်။ အခြား အကြောင်းအရာတွေနဲ့ ပတ်သက်ပြီးတော့တော့ သီးခြား ထုတ်ပြန် ထားခြင်း မရှိသေးပါဘူး။
Katy Louise Saunders က ၂၀၀၂ ခုနှစ်မှာ A Scandalous Journey အမည်ရှိတဲ့ ရုပ်ရှင်မှာပါဝင်ခဲ့ပြီး သရုပ်ဆောင်အဖြစ် ပွဲဦးထွက်ခဲ့တာဖြစ်ပါတယ်။ Katy Louise Saunders က ၂၀၁၂ ခုနှစ်မှာ သမီးဦးလေးတစ်ယောက်ကို ဖွားမြင်ခဲ့ပြီး လက်ရှိမှာ ၁၀ နှစ်အရွယ်သမီးတစ်ယောက်နဲ့ သားတစ်ယောက် ရှိနေပြီလို့ သိရပါတယ်။
Katy Louise Saunders ရဲ့ ကလေးနှစ်ယောက်ကလည်း ဖခင်မတူကြဘူးလို့ သိရပြီး Katy Louise Saunders က လက်ရှိမှာ Single Mother အဖြစ် ရပ်တည်နေတာဖြစ်ပါတယ်။
ကလေး နှစ်ယောက်စလုံးကို လက်ရှိမှာ ဖခင်တွေဘက်က တာဝန်ယူထားကြတယ်လို့ သိရပါတယ်။ Song Joong Ki ဘက်ကတော့ ချစ်သူရဲ့ ဖြစ်စဉ်အားလုံးကို လက်ခံပေးထားတဲ့ ပုံစံမှာ ရှိနေပြီး ထွက်လာတဲ့ အရှုပ်အထွေးတွေနဲ့ ပတ်သက်ပြီး ရှင်းပြထားတာမျိုး မရှိသေးပါဘူး။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
