ဆေးရုံတက်နေရတဲ့ကလေးငယ်လေးတွေကို ခရစ်စမတ်လက်ဆောင်လိုက်ဝေခဲ့တဲ့ Kim Woo Bin

တောင်ကိုရီးယားမင်းသား Kim Woo Bin ဟာဆိုရင် နာမကျန်းဖြစ်ပြီး ဆေးကုသမှု ခံယူနေရတဲ့ ကလေးငယ်လေးတွေကို ကိုယ်တိုင်ကိုယ်ကျ ခရစ်စမတ်လက်ဆောင်လေးတွေ ဝေမျှပေးခဲ့ပါတယ်။ ဒီဇင်ဘာလ ၂၅ ရက်နေ့မှာ ထုတ်ပြန်ကြေညာခဲ့တဲ့ Dispatch ရဲ့ သတင်းအရ တောင်ကိုရီးယား မင်းသား Kim Woo Bin က ဆိုးလ်မြို့ Children’s Ward of Asan Medical Center မှာရှိတဲ့ ဆေးရုံတက်ကုသမှု ခံယူနေရတဲ့ ကလေးငယ်လေးတွေကို ခရစ်စမတ် လက်ဆောင်လေးတွေ ဝေမျှပေးခဲ့တယ်လို့သိရပါတယ်။

Kim Woo Bin က ကလေးတွေအတွက် အိတ်လေးတွေ ၊ ပန်းချီပစ္စည်းလေးတွေ ၊ ရေဗူးလေးတွေနဲ့ စိတ်အားထက်သန်စေမယ့် အမှတ်တရ စာလေးတွေကို ရေးပြီး မျှဝေပေးခဲ့ပါတယ်။ Kim Woo Bin က စုစုပေါင်း ကလေး အယောက် ၂၀၀ အတွက် ခရစ်စမတ်လက်ဆောင်လေးတွေ မျှဝေပေးခဲ့တာဖြစ်ပြီး Asan Medical Center ကိုလည်း ဝမ်သန်း ၁၀၀ တန် အလှူငွေတွေ ပေးအပ်ခဲ့ပါတယ်။

မင်းသား Kim Woo Bin က ၂၀၁၄ ခုနှစ်တုန်းကလည်း မိသားစု စားဝတ်နေရေး အဆင်မပြေကြတဲ့ ကလေးငယ်လေးတွေကို လျို့ဝှက် လှူဒါန်းမှုလေးတွေ ပြုလုပ်ပေးခဲ့ပါတယ်။ Kim Woo Bin ဟာဆိုရင် မိုးကြီးမှုကြောင့် ပြင်းပြင်းထန်ထန်ရောဂါ ခံစားနေရတဲ့သူတွေ ၊ ကိုဗစ် ၁၉ ရောဂါ ခံစားနေရတဲ့သူတွေ နဲ့ တောမီးကြောင့် ဒုက္ခရောက်ခဲ့ကြတဲ့သူတွေကိုလည်း လှူဒါန်းမှုလေးတွေ အဆက်မပျက် ပြုလုပ်ပေးခဲ့တဲ့သူဖြစ်ပါတယ်။

တောင်ကိုရီးယားမင်းသား Kim Woo Bin က လက်ရှိမှာ Netflix  ရဲ့ original စီးရီးတစ်ခုဖြစ်တဲ့ Black Knight ဇာတ်လမ်းမှာ ပါဝင်သရုပ်ဆောင်ထားပါတယ်။