အချိန်အားရင်အားသလို သားသမီးတွေနဲ့အမြဲဆော့ကစားပေးလေ့ရှိတဲ့မင်းသား Kwon Sang Woo

တောင်ကိုရီးယားမင်းသား Kwon Sang Woo ဟာဆိုရင် ချစ်ရတဲ့ မင်းသမီး Son Tae-young နဲ့ လက်ထပ်ခဲ့တာ လက်ရှိမှာဆိုရင် အိမ်ထောင်သက် ၁၅ နှစ် ကျော်သွားပြီပဲဖြစ်ပါတယ်။ လက်ထပ်ပြီးနောက်မှာတော့ Kwon Sang Woo က ချစ်စရာသားလေးတစ်ယောက်နဲ့ သမီးလေးတစ်ယောက်ကို ရရှိပိုင်ဆိုင်ထားပြီး သာယာပျော်ရွှင်စရာ အိမ်ထောင်ရေးလေးကိုတည်ထောင်ထားပါတယ်။

မင်းသား Kwon Sang Woo က လက်ရှိမှာ စီးပွားရေးလုပ်ငန်းတွေလုပ်ကိုင်နေပြီး မိသားစုကို အချိန်ပေးဖြစ်နေတာကြောင့် အနုပညာအလုပ်တွေ လုပ်တာတော့ ကြဲသွားခဲ့ပါပြီ။ Kwon Sang Woo က အခြားသူတွေလိုမျိုးမဟုတ်ဘဲ သားသမီးတွေနဲ့ မိသားစုပုံရိပ်လေးတွေ လူသိရှင်ကြားထုတ်ဖော်ရတာ အရမ်းကြိုက်တဲ့သူဖြစ်ပါတယ်။

မင်းသား Kwon Sang Woo သူ့ရဲ့သားသမီးလေးတွေနဲ့ ပျော်ရွှင်စွာဆော့ကစားနေတဲ့ ပုံရိပ်လေးတွေကို အောက်မှာ ဝင်ရောက်ကြည့်ရှုနိုင်ပါတယ်။

Kwon Sang Woo က သူ့ရဲ့သားလေးနဲ့ ကမ်းခြေမှာ ပျော်ရွှင်စွာဆော့ကစားလေ့ရှိပြီး သမီးလေးအကြိုက် အရုပ်အိမ်လေးတွေကိုလည်း လိုက်ပြီးဆောက်ပေးတတ်တဲ့သူဖြစ်ပါတယ်။

သားအဖတွေ မြတ်ခင်းပြင်မှာ ပျော်ရွှင်စွာ ဆော့ကစားနေတဲ့ပုံရိပ်လေးကလည်း ချစ်ဖို့ကောင်းလွန်းတာကြောင့် ပရိသတ်တွေကို အပျော်တွေကူးစက်သွားစေခဲ့ပါတယ်။

တစ်ခေတ်တစ်ခါက နာမည်ကြီးအောင်မြင်ခဲ့တဲ့ မင်းသား Kwon Sang Woo ရဲ့ ချစ်စရာ သားလေးတွေ သမီးလေးတွေ အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။