သမီးလေး အရွယ်ရောက်လာတာကိုကြည့်ပြီး သူမအသက်ကြီးလာတာကို မြင်မိလာတယ်လို့ ဆိုလိုက်တဲ့ Eugene

တောင်ကိုရီးယားမင်းသမီး Eugene ဟာဆိုရင် ချစ်ဖို့ကောင်းပြီး ရိုးသားကြည်လင်တဲ့မျက်နှာလေးနဲ့ ပရိသတ်တွေရဲ့ နှလုံးသားကို ဖမ်းစားနိုင်ခဲ့တဲ့သူဖြစ်ပါတယ်။ Eugene က S.E.S အဖွဲ့နဲ့ ပွဲဦးထွက်လာခဲ့တဲ့သူဖြစ်ပြီး အဆိုတော်အဖြစ်ဆောင်ရွက်ပြီးတဲ့နောက်မှာ သရုပ်ဆောင်လောကထဲကို ခြေစုံပစ်ဝင်ရောက်ခဲ့တဲ့သူဖြစ်ပါတယ်။

Eugene က အသက် ၄၁ နှစ်အရွယ်ရှိပြီဖြစ်ပြီး မင်းသား Ki Tae-young နဲ့ ၂၀၁၁ ခုနှစ်မှာလက်ထပ်ခဲ့တာဖြစ်ပါတယ်။ သူတို့နှစ်ဦးက သာယာလှပတဲ့ အိမ်ထောင်ရေးလေးကို ရရှိပိုင်ဆိုင်ပြီးတဲ့နောက်မှာ Kim Ro-hee နဲ့ Kim Ro-rin လို့ခေါ်တဲ့ သမီးလေး နှစ်ယောက်ကို မွေးဖွားခဲ့ပါတယ်။

Eugene က သူမရဲ့သမီးလေးတွေ အကြောင်းကို နေ့စဉ်နေ့တိုင်း ဖော်ပြပေးလေ့ရှိပြီး ပရိသတ်တွေကိုလည်း သမီးလေးတွေနဲ့ အမြဲလိုလို မိတ်ဆက်ပေးလေ့ရှိတဲ့သူဖြစ်ပါတယ်။ Eugene က အခုတစ်ခေါက်မှာလည်း သူမရဲ့ ချစ်စရာ သမီးလေးပုံရိပ်ကိုဝေမျှပေးရင်း လက်ရှိရင်ဆိုင်ကြုံတွေ့နေရတဲ့ အခက်အခဲကို ရင်ဖွင့်လာခဲ့ပါတယ်။

Eugene က “ Ro-hee လေးတောင် တော်တော် အရွယ်ရောက်လာပြီ .. အချိန်လေး နည်းနည်းလောက်ပဲဖြစ်ဖြစ် နှေးနှေးလေးသွားဖို့ ဆုတောင်းပါတယ်။ သမီးလေး အသက်ကြီးလာတာနဲ့အမျှ ကျွန်မရဲ့ အသက်က ကြီးကြီးလာတယ် .. အချိန်လေးနည်းနည်းလောက်နှေးသွားဖို့ပဲ ဆုတောင်းပါတယ်။” လို့ ဖော်ပြခဲ့ပါတယ်။

ပရိသတ်တွေကတော့ Eugene ရဲ့ သမီးလေးတွေကို ချစ်နေရင်းနဲ့ မင်းသမီး Eugene ရဲ့ ငယ်ရွယ်နုပျိုနေဆဲ ပုံရိပ်လေးကိုပါ ချစ်ခင်နှစ်သတ် အားကျနေကြပါတယ်။