သားဦးလေးအပြင် ဒုတိယရင်သွေးလေးကိုပါ ကိုယ်ဝန်ဆောင်ထားရပြီဖြစ်ကြောင်း အသိပေးလာတဲ့ အိုင်ဒေါမလေး

Nine Muses ရဲ့ အဖွဲ့ဝင်တစ်ယောက်ဖြစ်တဲ့ Moon Hyun Ah ဟာဆိုရင် သူမရဲ့ ဒုတိယရင်သွေးလေးကို ကိုယ်ဝန်ဆောင်ထားရပြီလို့ ဖော်ပြပေးလာခဲ့ပါတယ်။ အခုအကြောင်းအရာကို ဒီဇင်ဘာလ ၄ ရက်နေ့က Moon Hyun Ah က သူမရဲ့ လူမှုကွန်ရက်စာမျက်နှာပေါ်မှာ ဖော်ပြပေးခဲ့တာဖြစ်ပါတယ်။ Moon Hyun Ah က လာမယ့်နှစ်မှာ သူမရဲ့ ပထမသားလေးက အစ်ကိုကြီးတစ်ယောက် ဖြစ်လာတော့မှာ ဖြစ်ကြောင်း ဖေဖော်ဝါရီလမှာ အငယ်လေးကို မွေးတော့မှာဖြစ်ကြောင်း ဆိုခဲ့ပါတယ်။

ထွက်ရှိလာတဲ့ဓာတ်ပုံလေးတွေထဲမှာ Moon Hyun Ah က သူမရဲ့ သားဦးလေးနဲ့အတူ ဗိုက်လုံးလုံးလေးကိုပါ အထင်အရှား ဖော်ပြထားတာဖြစ်ပါတယ်။ Moon Hyun Ah က ဗိုက်ဖုံး  ဂါဝန်အရှည်လေးဝတ်ထားပြီး သားလေးကိုလည်း လက်က ကိုင်ထားပါသေးတယ်။ ချစ်စရာသားအမိလေး နှစ်ယောက်ရဲ့ ပုံရိပ်လေးက ချက်ချင်းဆိုသလို လူမှုကွန်ရက်စာမျက်နှာပေါ်မှာ ပြန့်နှံ့နေပြီး ပရိသတ်တွေကို စိတ်ဝင်စားမှု မြင့်တက်စေခဲ့ပါတယ်။

Moon Hyun Ah ဟာဆိုရင် ၂၀၁၀ ခုနှစ်ကနေ ၂၀၁၆ ခုနှစ်မှာ Nine Muses အဖွဲ့ဝင်အဖြစ်‌ ဆောင်ရွက်ခဲ့တာဖြစ်ပြီး သူမထက် ၇ နှစ်ပိုပြီးကြီးတဲ့ စီးပွားရေးသမားနဲ့ လက်ထပ်ခဲ့တာဖြစ်ပါတယ်။

၂၀၂၀ ခုနှစ်မှာ သူမရဲ့ ပထမဦးဆုံးသားလေးကို ဖွားမြင်ထားပြီး လက်ရှိမှာ ဒုတိယသားဦးလေးကို ကိုယ်ဝန်ဆောင်ထားပါတယ်။