တောင်ကိုရီးယားလူမျိုးတွေမဟုတ်ဘဲ တိုင်းတစ်ပါးသားတွေဖြစ်ကြတဲ့ တောင်ကိုရီးယားနာမည်ကြီး အနုပညာရှင် ၇ ယောက်

တောင်ကိုရီးယားသရုပ်ဆောင်တွေဟာဆိုရင် တောင်ကိုရီးယားနိုင်ငံသားအစစ်တွေ ရှိသလို နိုင်ငံသားအစစ်မဟုတ်တဲ့သူတွေလည်း ရှိကြပါတယ်။ သူတို့တွေထဲမှာ အမေရိကန်နိုင်ငံသားတွေရှိသလို ၊ ကနေဒါနိုင်ငံသားတွေလည်းရှိပါတယ်။ အဲဒီထဲကမှ နာမည်ကြီးတဲ့ ထိပ်တန်းနာမည်ကြီးတွေအကြောင်းကို ဖော်ပြပေးသွားပါမယ်။

Choi Woo Shik: ကနေဒါ

တောင်ကိုရီးယားသရုပ်ဆောင် Choi Woo Shik ဟာဆိုရင် ငယ်ငယ်လေးကတည်းက တောင်ကိုရီးယားကနေ ကနေဒါနိုင်ငံကို မိသားစုလိုက်ပြောင်းရွှေ့ခဲ့တာဖြစ်ပါတယ်။ Choi Woo Shik က ကောလိပ်တတ်နေစဉ်ကာလမှာ အနုပညာအလုပ်တွေ လုပ်ခဲ့တာဖြစ်ပြီး ၂၀၁၀ ခုနှစ်ကတည်းက ပရိသတ်တွေရဲ့အားပေးခြင်းကို ခံခဲ့ရတဲ့သူဖြစ်ပါတယ်။ Choi Woo Shik က နာမည်ကြီးပြီးအောင်မြင်တဲ့ “The Policeman’s Lineage” ၊ “Wonderland” နဲ့ “Our Beloved Summer” တို့လိုမျိုး ဇာတ်လမ်းတွေထဲမှာ ပါဝင်သရုပ်ဆောင်ခဲ့တဲ့သူဖြစ်ပြီး ပရိသတ်တွေများစွာ အခိုင်အမာ ရရှိခဲ့တဲ့သူဖြစ်ပါတယ်။ Choi Woo Shik က လက်ရှိမှာ ကနေဒါ နိုင်ငံသားအဖြစ် ခံယူထားတဲ့သူဖြစ်ပါတယ်။

Ahn Hyo Seop: ကနေဒါ

တောင်ကိုရီးယားမင်းသား Ahn Hyo Seop ဟာဆိုရင်လည်း တောင်ကိုရီးယားနိုင်ငံမှာ မွေးဖွားခဲ့တဲ့သူဖြစ်ပါတယ်။ Ahn Hyo Seop က မူလတန်းကျောင်းကတည်းက ကနေဒါနိုင်ငံကို ရောက်ရှိခဲ့တဲ့သူဖြစ်ပြီး ဆယ်ကျော်သက်အရွယ်ရောက်မှ တောင်ကိုရီးယားကို ပြန်လာခဲ့တဲ့သူဖြစ်ပါတယ်။ Ahn Hyo Seop က ကနေဒါလူမျိုးအဖြစ် ခံယူထားတဲ့သူဖြစ်ပြီး လက်ရှိမှာလည်း ဇာတ်ကားပေါင်းများစွာမှာ ပါဝင်သရုပ်ဆောင်ထားတဲ့ သူဖြစ်ပါတယ်။

Ma Dong Seok: အမေရိကား

တောင်ကိုရီးယားမင်းသားကြီး Ma Dong Seok ဟာဆိုရင်လည်း တောင်ကိုရီးယားမှာ မွေးဖွားခဲ့တဲ့သူဖြစ်ပေမယ့် အမေရိကားမှားနေထိုင်ခဲ့တဲ့သူဖြစ်ပါတယ်။ Ma Dong Seok က Marvel စီးရီးတွေထဲမှာလည်း ပါဝင်သရုပ်ဆောင်ထားတဲ့သူဖြစ်ပြီး လူသိများတဲ့ ဇာတ်ကားများစွာမှာ ပါဝင်ထားတဲ့သူဖြစ်ပါတယ်။

Go Sung Hee: အမေရိကန်-ကိုရီးယား

တောင်ကိုရီးယားမင်းသမီး Go Sung Hee ဟာဆိုင်လည်း အမေရိကန်-တောင်ကိုရီးယား နှစ်နိုင်ငံ နိုင်ငံသား ခံယူထားတဲ့သူဖြစ်ပါတယ်။ သူမရဲ့ဖခင်ကြီးက တောင်ကိုရီးယားသံအမတ်အဖြစ်ဆောင်ရွက်ခဲ့တာဖြစ်လို့ Go Sung Hee က အမေရိကားမှာပါ နေထိုင်ခဲ့ရတဲ့သူဖြစ်ပါတယ်။ Go Sung Hee က နိုဝင်ဘာလမှာ အနုပညာလောကထဲက မဟုတ်တဲ့ သူနဲ့ လက်ထပ်ခဲ့ပြီး လက်ရှိမှာ သာယာလှပတဲ့ အိမ်ထောင်ရေးလေးကို ပိုင်ဆိုင်ထားပါတယ်။

Han Chae Young: အမေရိကား

တောင်ကိုရီးယားမင်းသမီး Han Chae Young ဟာဆိုရင်လည်း တောင်ကိုရီးယားမှာ မွေးဖွားခဲ့တဲ့ သူဖြစ်ပြီး အမေရိကားကို ပြောင်းရွှေ့လာခဲ့တဲ့သူဖြစ်ပါတယ်။ Han Chae Young က သူမရဲ့ကလေးဘဝကို Chicago မှာ ဖြတ်သန်းခဲ့ရတာဖြစ်ပါတယ်။ Han Chae Young က ကိုရီးယား-အမေရိကန်နိုင်ငံသားခံယူထားတဲ့သူဖြစ်ပြီး မကြာသေးမီကလည်း Sponsor ဆိုတဲ့ ဇာတ်လမ်းတွဲမှာ ပါဝင်သရုပ်ဆောင်ထားပါသေးတယ်။

Jung Ryeo Won: ဩစတေးလျ

တောင်ကိုရီးယားမင်းသမီး Jung Ryeo Won ဟာဆိုရင် မွေးဖွားကာခါ အရွယ်ကတည်းက ဩစတေးလျနိုင်ငံမှာ နေထိုင်ခဲ့တာဖြစ်ပါတယ်။ Jung Ryeo Won က ဩစတေးလျလူမျိုးတွေရဲ့ လူနေမှု ဘဝ ပုံစံအတိုင်းနေထိုင်ခဲ့တဲ့သူဖြစ်ပြီး တောင်ကိုရီးယားမှာ အနုပညာအလုပ်တွေ လာရောက် လုပ်ကိုင်တဲ့သူဖြစ်ပါတယ်။ Jung Ryeo Won က အခုနှစ်မှာလည်း Woman in a White Car ဇာတ်လမ်းမှာ Do Kyung အဖြစ်နဲ့ ပါဝင်သရုပ်ဆောင်ထားပါတယ်။

Lee Da Hae: ဩစတေးလျ

တောင်ကိုရီးယားမင်းသမီး Lee Da Hae ဟာဆိုရင်လည်း တောင်ကိုရီးယားနိုင်ငံ ဆိုးလ်မြို့မှာ မွေးဖွားခဲ့တဲ့သူဖြစ်ပေမယ့် ဩစတေးလျနိုင်ငံကို ပြောင်းရွှေ့ခဲ့တာ ဖြစ်ပါတယ် ။ Lee Da Hae က အထက်တန်းကျောင်းအရွယ်မှာကတည်းက အနုပညာအလုပ်တွေ တောက်လျှောက်လုပ်ခဲ့တာဖြစ်ပြီး ပရိသတ်တွေရဲ့ အားပေးခြင်းတွေကိုလည်း တခဲနက် ရရှိပိုင်ဆိုင်ထားတဲ့သူဖြစ်ပါတယ်။