ချစ်စရာသားဦးလေးနဲ့အတူရေပန်းစားလာတဲ့ Hyun Bin ရဲ့ငယ်ဘဝပုံရိပ်လေးများ ..

တောင်ကိုရီးယားမင်းသား Hyun Bin ရဲ့ ငယ်ဘဝ ပုံရိပ်လေးတွေဟာဆိုရင် ပရိသတ်တွေကြားမှာ ထပ်မံပြီး နာမည်ကြီးလာခဲ့ပါတယ်။ Hyun Bin နဲ့ Son Ye Jin တို့က သူတို့ရဲ့ ပထမဦးဆုံးသားလေးကို နိုဝင်ဘာလ ၂၇ ရက်နေ့တုန်းက မွေးဖွားခဲ့တာဖြစ်ပြီး တရားဝင် မိဘတွေ ဖြစ်လာခဲ့တာဖြစ်ပါတယ်။ Hyun Bin က နိုင်ငံရပ်ခြား အချိန်စာရင်းတွေ အပြီးမှာ ဇနီးနဲ့သားလေးကို အမြန်ဆုံးပြန်လာတွေ့ဖို့အတွက် မွန်ဂိုလီးယားကနေ ပြန်လာတာဖြစ်ပါတယ်။

မကြာသေးမီက SNS စာမျက်နှာပေါ်မှာ Hyun Bin ရဲ့ ကလေးဘဝတုန်းက ဓာတ်ပုံလေးတွေ ပြန့်နှံ့လာပါတယ်။ ဓာတ်ပုံလေးထဲမှာ Hyun Bin က ချစ်စရာ ဝတ်စုံလေးကို ဝတ်ထားပြီး တောက်ပစွာနဲ့ပြုံးနေတာဖြစ်ပါတယ်။ ပန်းကန်လုံးပုံစံမျိုး ဆံပင်လေးက Hyun Bin ကို ပိုပြီး ချစ်ဖို့ကောင်းသွားစေခဲ့ပါတယ်။ Hyun Bin ရဲ့ ငယ်ဘဝဓာတ်ပုံလေးတွေ ပြန့်နှံ့လာတာနဲ့အမျှ ပရိသတ်တွေက မကြာသေးမီက ပူပူနွေးနွေးမွေးဖွားခဲ့တဲ့ သားဦးလေးက Hyun Bin ငယ်ဘဝတုန်းကနဲ့ သေချာပေါက် ချွတ်ဆွတ်တူမှာပဲ လို့ ခန့်မှန်းထားကြပါတယ်။

တောင်ကိုရီးယားမင်းသား Hyun Bin နဲ့ Son Ye Jin တို့က အခု၂၀၂၂ ခုနှစ် ၊ မတ်လမှာ လက်ထပ်ခဲ့တာဖြစ်ပြီး လက်ရှိမှာ သားဉီးလေးကို ရရှိပိုင်ဆိုင်ထားတာဖြစ်ပါတယ်။