တောင်ကိုရီးယားမင်းသမီး Park Shin Hye ဟာဆိုရင် ဆေးဘက်ဆိုင်ရာ ဇာတ်လမ်းတွဲဖြစ်တဲ့ Doctor Slump ဇာတ်လမ်းမှာ ပါဝင်သရုပ်ဆောင်တော့မှာပဲ ဖြစ်ပါတယ်။ Doctor Slump ဇာတ်လမ်းက Park Shin Hye အတွက် ကလေး မီးဖွားပြီးနောက်မှာ ပထမဦးဆုံး အနုပညာ လောကထဲ ပြန်ဝင်တဲ့ ဇာတ်လမ်းတွဲလည်း ဖြစ်ပါတယ်။
နိုဝင်ဘာလ ၃၀ ရက်နေ့မှာ ထုတ်ပြန်ကြေညာခဲ့တဲ့ Ten Asia ရဲ့ သတင်းအရ Doctor Slump ဇာတ်ကားထဲမှာ မင်းသမီး Park Shin Hye က အမျိုးသမီး protagonist အဖြစ်သရုပ်ဆောင်သွားမှာဖြစ်တယ်လို့ သိရပါတယ်။ ဆေးဘက်ဆိုင်ရာဇာတ်လမ်းတွဲဖြစ်တာကြောင့် Doctor Slump က Park Shin Hye ပါဝင်ရိုက်ကူးထားတဲ့ ၂၀၁၆ ခုနှစ်တုန်းကဆေးဘက်ဆိုင်ရာဇာတ်လမ်းတွဲ Doctors ပြီးရင် ပထမဦးဆုံး ဇာတ်လမ်းဖြစ်ပါတယ်။
မင်းသမီး Park Shin Hye က ၂၀၁၈ ခုနှစ်တုန်းက လူသိရှင်ကြားတွဲခဲ့တဲ့ တောင်ကိုရီးယားမင်းသား Choi Tae Joon နဲ့ လက်ထပ်ခဲ့တာဖြစ်ပါတယ်။ Park Shin Hye က ၂၀၂၂ ခုနှစ် ၊ မေလမှာ သူမရဲ့ ပထမဦးဆုံးသားလေးကို မွေးဖွားခဲ့ပြီး သားလေးအတွက် အချိန်ကောင်းစွာပေးနေတာဖြစ်ပါတယ်။ တောင်ကိုရီးယားမင်းသမီး Park Shin Hye က မင်းသား Choi Tae Joon နဲ့ သူငယ်ချင်းတွေဖြစ်ပြီးမှ လက်ထပ်ခဲ့ကြတာဖြစ်ပါတယ်။
သူတို့နှစ်ဦးက လူငယ်စုံတွဲလေးဖြစ်ပေမယ့် အချင်းချင်း နားလည်မှု အရမ်းရှိကြပြီး တစ်ယောက်လိုအပ်ချက်ကို တစ်ယောက် ဖြည့်ပေးနေကြသူလေးတွေ ဖြစ်ပါတယ်။
အခုတစ်ခေါက်မှာလည်း မင်းသမီး Park Shin Hye သားလေးမွေးပြီးနောက်မှာ ခင်ပွန်းဖြစ်သူ Choi Tae Joon ရဲ့ ထောက်ပံ့မှုပေးတဲ့အပေါ် ပရိသတ်တွေက များစွာ နှစ်သတ်ဝမ်းမြောက်နေကြပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
