ခမ်းနားကြီးကျယ်လွန်းလှတဲ့သူမရဲ့ မင်္ဂလာပွဲပုံရိပ်လေးတွေကို ပရိသတ်တွေဆီဝေမျှပေးလာတဲ့ နာမည်ကြီးမင်းသမီး Ko Sung Hee

တောင်ကိုရီးယားနာမည်ကျော်မင်းသမီး Ko Sung Hee ဟာဆိုရင် မကြာသေးမီက အကျဉ်းချုံးကျင်းပခဲ့တဲ့ သူမရဲ့မင်္ဂလာပွဲပုံရိပ်လေးတွေကို ပရိသတ်တွေဆီ ဝေမျှပေးလာခဲ့ပါတယ်။ Ko Sung Hee ရဲ့သတို့သားလောင်းက အနုပညာလောကထဲကသူမဟုတ်တာကြောင့် Ko Sung Hee က မင်္ဂလာပွဲကို လူသိရှင်ကြားမဟုတ်ဘဲ အကျဉ်းချုံးသာ ကျင်းပခဲ့တာဖြစ်ပါတယ်။ မင်းသမီး Ko Sung Hee က နိုဝင်ဘာလ ၂၈ ရက်နေ့က သူမရဲ့ လူမှုကွန်ရက်စာမျက်နှာပေါ်မှာ မင်္ဂလာဆောင်သွားပေမယ့် မပြောင်းလဲတဲ့ ချစ်ခြင်းတွေနဲ့ သူမကို ချစ်ပေးကြတဲ့ ထောက်ပံ့ပေးကြတဲ့သူတွေအားလုံးကို ကျေးဇူးတင်ကြောင်း ပြောထားပြီး မင်္ဂလာပွဲပုံရိပ်လေးတွေကို ဝေမျှပေးခဲ့တာဖြစ်ပါတယ်။

Ko Sung Hee က မင်္ဂလာပွဲမှာ အဖြူရောင်သတို့သမီးဝတ်စုံလေးနဲ့ ကျက်သရေရှိလွန်းပြီး လှပနေတာဖြစ်ပါတယ်။ Ko Sung Hee ရဲ့ ဖြူစင်ရိုးသားတဲ့ သတို့သမီးဂါဝန်နဲ့ပုံရိပ်လေးက ချက်ချင်းဆိုသလို ပရိသတ်တွေကြားမှာ နာမည်ကြီး နေပြီး ဝတ်စုံလေးနဲ့ လိုက်ဖက်မှုရှိလွန်းနေတာကြောင့် ပရိသတ်တွေက များစွာ ချစ်နေကြတာဖြစ်ပါတယ်။

Ko Sung Hee က သူမ သတို့သားလောင်းရဲ့လက်ကို ဆုပ်ကိုင်ထားပြီး မင်္ဂလာအခမ်းအနားကိုလာတဲ့ ပုံရိပ်လေးက အရမ်းကို ကြည့်လို့ကောင်းလွန်းနေပါတယ်။ Ko Sung Hee ရဲ့ ကြည်နူးစရာ မင်္ဂလာပွဲလေးကို Netizen တွေအားလုံးကလည်း ဝိုင်းဝန်း ဂုဏ်ပြုပေးထားကြပါတယ်။

Netizens တွေက Ko Sung Hee ရဲ့ မင်္ဂလာပွဲပုံရိပ်လေးတွေအောက်မှာ “အရမ်းလှတယ် ဂုဏ်ယူပါတယ်ကောင်မလေးရေ .. “ “ရုပ်ရှင်လေးတစ်ခုအလား ချစ်ဖို့ကောင်းလိုက်တာ ကောင်မလေးရေ ..” “သာယာပျော်ရွှင်ဖို့ကောင်းတဲ့ ဘဝလေးကို ရရှိပိုင်ဆိုင်နိုင်ပါစေ” စတဲ့ မှတ်ချက်လေးတွေ အမြောက်အများ ပေးထားကြပါတယ်။