လက်ရှိအချိန်အထိ သားလေးနဲ့မတွေ့ရသေးတဲ့ တောင်ကိုရီးယားမင်းသား Hyun Bin

နိုဝင်ဘာလ ၂၈ ရက်နေ့မှာ ထွက်လာတဲ့ သတင်းတွေအရ တောင်ကိုရီးယားမင်းသား Hyun Bin ဟာဆိုရင် မွန်ဂိုလီးယားမှာ ပြုလုပ်ရမယ့် ရိုက်ကူးရေးအချိန်စာရင်းတွေကြောင့် သားဖြစ်သူမွေးဖွားချိန်မှာ အနားမှာ မရှိခဲ့ဘူးလို့ သိရပါတယ်။

Hyun Bin က လက်ရှိမှာ 'Harbin' ဇာတ်လမ်းရိုက်ကူးရေးအတွက် မွန်ဂိုလီးယားကိုရောက်ရှိနေပြီး မီးဖွားပြီးကာစ အမျိုးသမီးအနားမှာ ရှိမပေးနိုင်ခဲ့ဘူးလို့ သိရပါတယ်။ Hyun Bin က  မွန်ဂိုလီးယားမှာ ရှိနေတာကြောင့် မိန်းမဖြစ်သူ မီးဖွားချိန်မှာ ရင်သွေးလေးကို  မျက်နှာလေးတောင် မတွေ့နိုင်ဘဲ ဖြစ်နေတယ်လို့ သိရပါတယ်။

လက်ရှိရိုက်ကူးနေတဲ့ Harbin ဇာတ်လမ်းမှာပါဝင်တဲ့ ဝန်ထမ်းတစ်ယောက်အဆိုအရ Hyun Bin က ဇာတ်လမ်း ဇာတ်ကောင် ဖိအားအတွက် တက်နိုင်သမျှ ကြိုးစားပမ်းစားဆောင်ရွက်နေတယ်လို့ ဆိုပါတယ်။

နိုဝင်ဘာလ ၂၇ ရက်နေ့အစောပိုင်းတုန်းက Son Ye Jin ရဲ့ အေဂျင်စီဘက်ကနေ မင်းသမီး Son Ye Jin မှ ကျန်းမာသန်စွမ်းတဲ့ သားဦးလေးကို မွေးဖွားခဲ့တယ်လို့ အတည် ပြုပေးခဲ့ပါတယ်။

Son Ye Jin က ရင်သွေးလေးကို ဒီဇင်ဘာလမှ မွေးဖွားမယ်လို့ ခန့်မှန်းထားတာကြောင့် ဖေဖေ Hyun Bin ကလည်း ဒီဇင်ဘာလအမီ ရိုက်ကူးရေးကို အရှိန်မြှင့်နေတာဖြစ်တယ်လို့ သိရပါတယ်။  အခု သားဦးလေး မွေးဖွားကာစမှာ ဖေဖေ Hyun Bin က နိုင်ငံရပ်ခြား တိုင်းတစ်ပါးကို ရောက်ရှိနေတာကြောင့် ပရိသတ်တွေကလည်း များစွာ စိတ်မကောင်း ဖြစ်နေပါတယ်။