မင်္ဂလာမဆောင်ခင်မှာ ကိုယ်ဝန်ရခဲ့ပေမယ့် သမီးလေးကိုအောင်မြင်စွာမွေးဖွားခဲ့တဲ့ မင်းသမီး

တောင်ကိုရီးယားမင်းသမီး Seo Young ဟာဆိုရင် သမီးဦးလေးကိုအောင်မြင်စွာမွေးဖွားနိုင်ခဲ့ပြီဖြစ်ကြောင်း သူမရဲ့ လူမှုကွန်ရက်စာမျက်နှာပေါ်ကနေ တဆင့် အသိပေးလာခဲ့ပါတယ်။ 

မင်းသမီး Seo Young က နိုဝင်ဘာလ ၂၅ ရက်နေ့က သူမရဲ့လူမှုကွန်ရက်စာမျက်နှာပေါ်မှာ ၂၄ ရက်နေ့ ၁၁ လပိုင်းမှာ နောက်ဆုံးတော့ မိခင်တစ်ယောက်ဖြစ်လာခဲ့ပြီဆိုပြီး ဝေမျှပေးခဲ့တာဖြစ်ပါတယ်။ 

ဓာတ်ပုံလေးထဲမှာ Seo Young က သမီးလေးကိုကြည့်ပြီး ဝမ်းသာပျော်ရွှင်နေတာကို အထင်အရှားတွေ့ရပါတယ်။Seo Young က သူမရဲ့မျက်နှာလေးကို mask နဲ့ ဖုံးထားပေမယ့် သူမရဲ့ပျော်ရွှင်မှုလေးတွေက မျက်လုံးကနေအတိုင်းသားမြင့်တွေ့ရပါတယ်။ 

မင်းသမီး Seo Young ရဲ့သမီးလေးက ၃.၃၇ kg ကိုယ်အလေးချိန်ရှိတယ်လို့သိရပြီး အရမ်းကိုကျန်းမာသန်စွမ်းသူလေးဖြစ်ပါတယ်။ သမီးလေးကို အောင်မြင်စွာ မွေးဖွားနိုင်ခဲ့တဲ့အတွက် သူမရဲ့ ခင်ပွန်းဖြစ်သူဟာဆိုရင်လည်း ပြောမပြနိုင်အောင်ပျော်ရွှင်နေပြီး မျက်ရည်များတောင် ကျခဲ့ရတယ်လို့ ဆိုပါတယ်။ 

မင်းသမီး Seo Young က သမီးလေးကို မင်္ဂလာမဆောင်ခင်မှာ ကိုယ်ဝန်ရခဲ့တာဖြစ်ပြီး ပရိတ်သတ်တွေရဲ့ ဝေဖန်မှုတွေ များစွာ ခံခဲ့ရတာဖြစ်ပါတယ်။ 

Seo Young က ၂၀၀၆ ခုနှစ်မှာ MBC ဒရမ်မာဖြစ်တဲ့ What’s Up Fox နဲ့ ပွဲဉီးထွက်လာခဲ့တာဖြစ်ပါတယ်။ 

မင်းသမီး Seo Young ပြီးခဲ့တဲ့ ၂၀၂၁ ခုနှစ် ဇွန် လမှာ သူမထက် ပိုပြီးငယ်တဲ့ အနုပညာလောကထဲက မဟုတ်တဲ့သူနဲ့လက်ထပ်ခဲ့တာဖြစ်ပါတယ်။