သားအရင်းတစ်ယောက်ရှိပေမယ့် သမီးမိန်းကလေးကိုချစ်လွန်းလို့ မိန်းကလေး နှစ်ယောက် ထပ်မံမွေးစားခဲ့တဲ့ မင်းသားကြီး

မင်းသားကြီး Cha In-Pyo ဟာဆိုရင် တောင်ကိုရီးယားအနုပညာ လောကမှာ ကလေးမွေးစားထားတဲ့ ပထမဦးဆုံးသော အနုပညာရှင် ဖြစ်ပါတယ်။ မင်းသားကြီး Cha In-Pyo က မင်းသမီး Shin Ae-Ra နဲ့ ဆယ်စုနှစ် ၂ ခုကျော်လောက် ချစ်ကျွမ်းဝင်ပြီးမှ လက်ထပ်ခဲ့တာဖြစ်ပါတယ်။ လက်ရှိမှာဆိုရင် မင်းသားကြီးရဲ့အသက်က ၅၅ နှစ်အရွယ်တောင်ရှိနေပြီပဲ ဖြစ်ပါတယ်။

သူတို့နှစ်ဦးက သမီးလေးကို အရမ်းလိုချင်ကြတာကြောင့် ကလေးမွေးစားတဲ့စည်းမျဉ်းစည်းကမ်းတွေနဲ့အညီ သမီးလေးနှစ်ယောက်ကို ရယူမွေးစားခဲ့ပါတယ်။ မင်းသား Cha In-Pyo နဲ့ မင်းသမီး Shin Ae-Ra တို့က ၂၀၀၅ ခုနှစ်နဲ့ ၂၀၀၈ ခုနှစ်တို့မှာ ချစ်ဖို့ကောင်းတဲ့ သမီးလေး ၂ ယောက်ကို မွေးစားခဲ့ပါတယ်။ သူတို့နှစ်ဦးက သွေးသားအရင်း သားဦးလေးကို ရရှိပိုင်ဆိုင်ပြီးသွားပေမယ့် သမီးမိန်းကလေး အရမ်းလိုချင်တာကြောင့် သမီးမိန်းကလေး ၂ ယောက်ကို ထပ်မံပြီး မွေးစားခဲ့ပါတယ်။

Cha In-Pyo က သားလေးကို မွေးဖွားပြီးနောက်မှာ သမီးမိန်းကလေး တစ်ယောက်ကိုလည်း အရမ်းလိုချင်လာကြောင်း ဆိုခဲ့ပါတယ်။ ဒါ ကြောင့် သမီးမိန်းကလေးတစ်ယောက်ကို မွေးစားခဲ့ပြီး အရမ်းအဆင် ပြေတာကြောင့် နောက်ထပ် သမီး မိန်းကလေးတစ်ယောက်ကို ထပ်မံ မွေးစားခဲ့တယ်လို့ ဆိုပါတယ်။

အဲဒီအချိန်မှာ သမီး အကြီးလေးက အသက်ကြီးလာရင်သူမရဲ့ မွေးမိခင် ၊ ဖခင်တို့နဲ့ တွေ့ချင်ကြောင်း ထပ်ပြီးတောင်းဆိုခဲ့တယ်လို့ ဆိုပါတယ်။ ဒါ ပေမယ့် မိဘအရင်းတွေနဲ့သွားတွေ့တဲ့အချိန်မှာ အရမ်းကြောက်တာကြောင့် မွေးဖွားမိဘတွေနဲ့အတူ သွားလိုကြောင်း တောင်းဆိုခဲ့တယ်လို့ သိရပါတယ်။ သူမကြောက်တဲ့ အကြောင်းအရင်းက မိဘတွေနဲ့ တွေ့ပြီး အိမ်ကို ပြန်မလာနိုင်မှာကို အရမ်းစိုးရိမ်တာကြောင့် မွေးစားမိဘတွေနဲ့ သွားလိုတာဖြစ်တယ်လို့ဆိုပါတယ်။

Cha In-Pyo ကတော့ မွေးစားသမီးလေးတွေကို လွတ်လပ်စွာ ရွေးချယ်ခွင့်ပေးထားပြီး ဘယ်အချိန်ဖြစ်ဖြစ် တံခါးဖွင့်ပေးထားတယ်လို့ ဆိုပါတယ်။ လက်ရှိမှာ မွေးစားသမီးလေးတွေရဲ့အသက်က ဆယ်ကျော်သက်အရွယ်တောင် ရောက်ရှိနေပြီပဲ ဖြစ်ပါတယ်။