သမီးဖြစ်သူကိုပထမဦးဆုံး လူမြင်ကွင်းထုတ်ပြလာတဲ့မြောက်ကိုရီးယားခေါင်းဆောင်ကင်ဂျုံအန်

မြောက်ကိုရီးယားခေါင်းဆောင် ကင်ဂျုံအန်ဟာဆိုရင် အနေအထိုင် သိုသိပ်တဲ့သူဖြစ်ပြီး မိသားစု ပုံရိပ်တွေကိုလူမြင်ကွင်းသိပ်ပြီး ချပြလေ့မရှိပါဘူး။ ပုဂ္ဂိုလ်ရေးနဲ့ပတ်သက်ပြီး သိုသိုသိပ်သိပ် လုပ်တတ်တဲ့ ကင်ဂျုံအန်ဟာဆိုရင် သမီးဖြစ်သူလက်ကို ကျစ်ကျစ်ပါအောင်ဆုပ်ကိုင်ပြီး သမီးဖြစ်သူပုံရိပ်ကို ပထမဦးဆုံးအကြိမ် လူမြင်ကွင်း ချပြလာခဲ့ပါတယ်။ 

သမီးဖြစ်သူကို လက်ဆွဲပြီး အကြီးဆုံးပဲ့ထိန်းဒုံကျည်ပစ်လွှတ်မှုကို ကြည့်ရှူစစ်ဆေးနေတဲ့ မြောက်ကိုရီးယားခေါင်းဆောင် ကင်ဂျုံအန်ရဲ့ ပုံရိပ်တွေဟာဆိုရင် ချက်ချင်းဆိုသလို ပဲ ကမ္ဘာ့မီဒီယာတွေ ကြားမှာ စိတ်ဝင်စားမှုမြင့်တက်နေခဲ့ပါတယ်။ 

ကင်ဂျုံအန် က သမီးဖြစ်သူကို စစ်ရေးစစ်ရာတွေကို ကိုယ်တိုင်ကိုယ်ကျ လိုက်လံပြသပေးနေသည့်အပေါ်မှာလည်းလူအများရဲ့ မေးခွန်းထုတ်စရာတွေများစွာဖြစ်ပေါ်နေခဲ့ပါတယ်။ 

ကင်ဂျုံအန်အနေနဲ့ သမီးဖြစ်သူကို လူမြင်ကွင်းမှာ ထုတ်ဖော်ပြသခဲ့တာ ရှားမှရှား မြင်ကွင်းဖြစ်ပြီး ပထမဦးဆုံးအကြိမ်လည်း ဖြစ်ပါတယ်။