တောင်ကိုရီးယားမင်းသမီး Chae Jung-an ဟာဆိုရင် သရုပ်ဆောင်ပိုင်းမှာ ထူးချွန်လွန်းတဲ့သူ ဖြစ်ရုံသာမက အဆိုပိုင်းမှာလည်း တစ်ဖက်ကမ်းခက် ကျွမ်းကျင်လွန်းတဲ့သူဖြစ်ပါတယ်။ Chae Jung-an က Yong-Pal ဇာတ်လမ်းနဲ့ ပရိသတ်တွေရဲ့ အားပေးမှုကို တခဲနက် ရရှိခဲ့တဲ့သူဖြစ်ပြီး ၂၉ကြိမ်မြောက် MBC Drama Awards ဆုပေးပွဲမှာလည်း PD Award ဆုကြီးကို ရရှိခဲ့တဲ့သူဖြစ်ပါတယ်။
![](https://s9.kh1.co/d8/d8c481e856cd669bdf4d4a2030cea1689397453d.jpg)
![](https://s9.kh1.co/33/33b052a7bdf75581064a57449c7e5d8bf7548021.jpg)
Chae Jung-an ဟာဆိုရင် မာကတ်တင်းကုမ္ပဏီက ဘုတ်အဖွဲ့ဝင်တစ်ယောက်နဲ့ ၂၀၀၅ ခုနှစ်မှာလက်ထပ်ခဲ့ပြီး ၂ နှစ်အကြာ ၂၀၀၇ခုနှစ်မှာ ကွာရှင်းခဲ့ပါတယ်။ Chae Jung-an က ကွာရှင်းပြီးနောက်မှာလည်း စိတ်ဓာတ်ကျသွားခြင်းမရှိသလို ဘဝကြီးကို အရှုံးပေးသွားခြင်းမျိုးမရှိဘဲ Coffee Prince ဇာတ်လမ်းနဲ့ တစ်ဖန်ပြန်ပြီး ပွဲဦးထွက်လာနိုင်ခဲ့ပါတယ်။
![](https://s9.kh1.co/17/177371548a4136a8cc5a32327662be46b9311afd.jpg)
Chae Jung-an က ကွာရှင်းပြီးနောက်မှာ စီးပွားရေး လုပ်ငန်းရှင်တစ်ယောက်နဲ့ ထပ်မံတွဲခဲ့ပေမယ့် အချိန်ခဏအတွင်းမှာပဲ ပြန်ပြီး လမ်းခွဲခဲ့ပါတယ်။ လက်ထပ်ဖို့ကို ထပ်ပြီး မစဉ်းစားတော့တဲ့ မင်းသမီး Chae Jung-an က လက်ရှိမှာ အသက် ၄၅ နှစ်အရွယ်ရှိနေပြီပဲ ဖြစ်ပါတယ်။
![](https://s9.kh1.co/22/22a93172ac7351776762e629aaa9ccdef83d5eea.jpg)
Chae Jung-an က ၂၀၂၁ ခုနှစ်တုန်းက Monthly Magazine Home ဇာတ်လမ်းမှာ ပါဝင်သရုပ်ဆောင်ထားပြီး မကြာသေးမီကလည်း The King of Pigs ဇာတ်ကားထဲမှာ ပါဝင်သရုပ်ဆောင်ထားပါတယ်။
![](https://s9.kh1.co/ba/baa76cf47a66061dcdf8743a52fb8c4ff701db10.jpg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။