ခင်ပွန်းဖြစ်သူနဲ့ကွာရှင်းပြီးနောက်မှာ အိမ်ထောင်ရေးကို စိတ်နာပြီး လက်ထပ်ဖို့ထပ်ပြီးမကြိုးစားတော့တဲ့ မင်းသမီး

တောင်ကိုရီးယားမင်းသမီး Chae Jung-an ဟာဆိုရင် သရုပ်ဆောင်ပိုင်းမှာ ထူးချွန်လွန်းတဲ့သူ ဖြစ်ရုံသာမက အဆိုပိုင်းမှာလည်း တစ်ဖက်ကမ်းခက် ကျွမ်းကျင်လွန်းတဲ့သူဖြစ်ပါတယ်။ Chae Jung-an က Yong-Pal ဇာတ်လမ်းနဲ့ ပရိသတ်တွေရဲ့ အားပေးမှုကို တခဲနက် ရရှိခဲ့တဲ့သူဖြစ်ပြီး ၂၉ကြိမ်မြောက် MBC Drama Awards ဆုပေးပွဲမှာလည်း PD Award ဆုကြီးကို ရရှိခဲ့တဲ့သူဖြစ်ပါတယ်။

Chae Jung-an ဟာဆိုရင် မာကတ်တင်းကုမ္ပဏီက ဘုတ်အဖွဲ့ဝင်တစ်ယောက်နဲ့ ၂၀၀၅ ခုနှစ်မှာလက်ထပ်ခဲ့ပြီး ၂ နှစ်အကြာ ၂၀၀၇ခုနှစ်မှာ ကွာရှင်းခဲ့ပါတယ်။ Chae Jung-an က ကွာရှင်းပြီးနောက်မှာလည်း စိတ်ဓာတ်ကျသွားခြင်းမရှိသလို ဘဝကြီးကို အရှုံးပေးသွားခြင်းမျိုးမရှိဘဲ Coffee Prince ဇာတ်လမ်းနဲ့ တစ်ဖန်ပြန်ပြီး ပွဲဦးထွက်လာနိုင်ခဲ့ပါတယ်။

Chae Jung-an က ကွာရှင်းပြီးနောက်မှာ စီးပွားရေး လုပ်ငန်းရှင်တစ်ယောက်နဲ့ ထပ်မံတွဲခဲ့ပေမယ့် အချိန်ခဏအတွင်းမှာပဲ ပြန်ပြီး လမ်းခွဲခဲ့ပါတယ်။ လက်ထပ်ဖို့ကို ထပ်ပြီး မစဉ်းစားတော့တဲ့ မင်းသမီး Chae Jung-an က လက်ရှိမှာ အသက် ၄၅ နှစ်အရွယ်ရှိနေပြီပဲ ဖြစ်ပါတယ်။

Chae Jung-an က ၂၀၂၁ ခုနှစ်တုန်းက Monthly Magazine Home ဇာတ်လမ်းမှာ ပါဝင်သရုပ်ဆောင်ထားပြီး မကြာသေးမီကလည်း The King of Pigs ဇာတ်ကားထဲမှာ ပါဝင်သရုပ်ဆောင်ထားပါတယ်။