ကင်ဆာရောဂါသက်သာရင် လက်ထပ်မယ်လို့ထင်ခဲ့ပေမယ့်အခုထိလက်မထပ်ရသေးတဲ့Kim Woo-bin နဲ့ Shin Min-ah တို့စုံတွဲ

တောင်ကိုရီးယားသရုပ်ဆောင်တွေ အများစုက အခုနှစ်မှာ မင်္ဂလာပွဲတွေ ကျင်းပပြီး သတင်းကောင်းတွေ ဆောင်ကျဉ်းလာခဲ့ပေးကြတာကို အားလုံးပဲ သိကြမှာပါနော်။ တောင်ကိုရီးယား အနုပညာရှင် စုံတွဲတွေ အများစုကလက်ထပ်ပြီး ပရိုဂရမ်လေးတွေထဲမှာ အတူပါကြသလို ၊ ခရီးတွေအတူတကွ ထွက်ခဲ့ပြီး ဓာတ်ပုံလေးတွေတင်ကာ ပျော်စရာတွေ အမြဲလိုလို မျှဝေပေးလျက်ရှိပါတယ်။ 

အဲဒီထဲမှာ တောင်ကိုရီးယား သရုပ်ဆောင် Kim Woo-bin နဲ့ မင်းသမီး Shin Min-ah တို့ဟာဆိုရင်လည်း ၂၀၁၅ ခုနှစ်မှာ လူသိရှင်ကြားတွဲခဲ့ကြပြီး ၈ နှစ်ကြာ ဆက်ဆံရေးကို ထိန်းသိမ်းခဲ့ကြပါတယ်။

၂၀၁၇ ခုနှစ်တုန်းက မင်းသား Kim Woo-bin က လည်ချောင်းကင်ဆာရောဂါဖြစ်ပြီး ဆေးကုသမှု ခံယူခဲ့ရပါသေးတယ်။ Shin Min-ah ဟာဆိုရင်လည်း သူမရဲ့ကောင်လေးကို မင်းသမီး တစ်ယောက်လိုမျိုးသာမက မိသားစုဝင် တစ်ယောက်လိုမျိုး ကိုယ်ဖိရင်ဖိ ပြုစုခဲ့ပါသေးတယ်။ 

တောင်ကိုရီးယားမင်းသား Kim Woo-bin နဲ့ Shin Min-ah တို့က “Our Blues” ဇာတ်လမ်းထဲမှာ အတူတကွသရုပ်ဆောင်ခဲ့ကြပြီး ပရိသတ်တွေအားလုံးရဲ့အချစ်တွေကို ရရှိပိုင်ဆိုင်ခဲ့ပါတယ်။ Kim Woo-bin က လက်ရှိမှာနေကောင်းကျန်းမာပြီး အနုပညာ အလုပ်တွေ ပြန်လုပ်နေပြီဖြစ်ပေမယ့် သူ့ရဲ့ချစ်သူလေးနဲ့ အခုအချိန်အထိ လက်မထပ်ရသေးပါဘူး။

ပရိသတ်တွေက သူတို့နှစ်ဦးကို အမြန်ဆုံးလက်ထပ်စေချင်ပေမယ့်လည်း အိမ်ထောင်ရေးနဲ့ပတ်သက်ပြီး ငြိမ်နေတဲ့အပေါ် ပရိသတ်တွေက အားမလို အားမရ ဖြစ်နေကြပါတယ်။