မွေးခါနီးဖြစ်နေတာတောင်ခင်ပွန်းဖြစ်သူကို အထူးဟင်းလျာတွေ ချက်ကျွေးနေတဲ့ Son Ye Jin

တောင်ကိုရီးယားနာမည်ကြီး အနုပညာရှင်တွေဖြစ်တဲ့ Hyun Bin နဲ့ Son Ye Jin တို့က လက်ထပ်ထားတဲ့စုံတွဲလေးဖြစ်ပြီး လက်ရှိအချိန်အထိ နာမည်ပျက်မရှိတဲ့ လူတိုင်း အားကျရတဲ့စုံတွဲလေးဖြစ်ပါတယ်။

 လက်ထပ်ပြီးတဲ့နောက်မှာ Hyun Bin က ခင်ပွန်းတာဝန်ကို ကျေကျေပွန်ပွန်ဆောင်ရွက်နိုင်သလို ဇနီးဖြစ်သူ Son Ye Jin ဟာဆိုရင် သူမရဲ့ခင်ပွန်းဖြစ်သူ Hyun Bin ကို မယားဝတ္တရားကျေပွန်စွာနဲ့ ပြုစုစောင့်ရှောက်ပေးနေတာပဲဖြစ်ပါတယ်။ ဒီကနေ့မှာလည်း Son Ye Jin က သူမရဲ့ လူမှုကွန်ရက်စာမျက်နှာပေါ်မှာ ခင်ပွန်းဖြစ်သူကို ကိုယ်ဝန် နေ့စေ့လစေ့ကြီးနဲ့တောင်အထူးဟင်းလျာတွေ ချက်ကျွေးနေတဲ့ ပုံလေးတင်ပေးလာပါတယ်။ 

Son Ye Jin ချက်ထားတဲ့ ဟင်းလျာလေးတွေထဲမှာ Salad ၊ ဘေကွန် ၊ ကြက်ဥကြော်၊ နဲ့ ပေါင်မုန့်မီးကင်လေးပါဝင်ပြီး အဆင်သင့်သောက်လို့ရတဲ့ ကော်ဖီလေး နှစ်ခွက်ကိုပါထည့်ထားပါတယ်။ 

ဓာတ်ပုံလေးအရ Son Ye Jin က ခင်ပွန်းဖြစ်သူအတွက် စေတနာလေးတွေထည့်ပြီး သေချာပြင်ဆင်ချက်ပြုတ်ထားတဲ့ ပုံစံလေးကိုတွေ့ရပါတယ်။ 

တောင်ကိုရီးယားမင်းသမီး Son Ye Jin နဲ့ ခင်ပွန်းဖြစ်သူ Hyun Bin တို့က ပြီးခဲ့တဲ့ မတ်လ ၃၁ ရက်နေ့မှာ ကြီးကျယ်ခမ်းနားတဲ့ မင်္ဂလာပွဲကြီးဆင်နွှဲခဲ့ကြပြီး လက်ရှိမှာ ရင်သွေးလေးကိုတောင် ရရှိပိုင်ဆိုင်ကြတော့မှာပဲဖြစ်ပါတယ်။