၂၀၀၄ ခုနှစ်တုန်းက ကမ္ဘာတစ်ဝှမ်းအောင်မြင်မှုတွေ သိမ်းကြုံးရရှိခဲ့တဲ့ ချစ်စံအိမ် Full House ဇာတ်လမ်းကိုတရုတ်နိုင်ငံကနေ ဗားရှင်းအသစ်နဲ့ ရိုက်ကူးပြီးစီးသွားပြီလို့ သိရပါတယ်။
![](https://s9.kh1.co/24/24353a8f8ccea5a5dfb8d1d43b6feecb7268a6ea.jpeg)
ကိုရီးယားဗားရှင်း ချစ်စံအိမ်ဇာတ်လမ်းမှာ မင်းသား Rain နဲ့ မင်းသမီး Song Hye Kyo တို့ကအဓိကဇာတ်ကောင်နေရာက ပါဝင်သရုပ်ဆောင်ထားပြီးတရုတ်ဗားရှင်းအသစ်မှာတော့ အနုပညာလောကကနေ အချိန်အတော်ကြာပျောက်ကွယ်သွားတဲ့ ကိုရီးယား-အမေရိကန်ကပြားမင်းသား Dennis Oh နဲ့ မင်းသမီး Zhang Li တို့က ပါဝင်သရုပ်ဆောင်ထားတယ်လို့ သိရပါတယ်။
![](https://s9.kh1.co/a2/a2efaefcebff29ea9b495bb30e42977053070d67.jpeg)
Spy မင်းသားလို့လူသိများတဲ့ Dennis Oh က လက်ရှိမှာ ၄၁ နှစ်အရွယ်ရှိပြီဖြစ်ပြီး မင်းသမီး Zhang Li ကအသက် ၃၈ နှစ်အရွယ်ဖြစ်ပါတယ်။ နှစ်ဦးစလုံးက အသက် ၄၀ ဝန်းကျင်ရှိနေပြီဖြစ်တာကြောင့် နုပျိုပြီးလန်းဆန်းနေတဲ့ အရိပ်အယောင်တွေရှိတဲ့ ချစ်စံအိမ်ဇာတ်လမ်းနဲ့ လိုက်ဖက်မှု မရှိဘူးလို့ ပရိသတ်တွေက သုံးသပ်ထားကြပါတယ်။
![](https://s9.kh1.co/76/76a485a50a068fa6b9b7f439f9f67d2028191c3f.jpeg)
![](https://s9.kh1.co/27/27d639c38db498c9e3142e1357935e1caeb6c2c4.jpeg)
ဇာတ်ကားကောင်းမကောင်းကို ထွက်ရှိလာမှပဲ သိရမှာဖြစ်ပေမယ့် အချိန်အတော်ကြပျောက်နေတဲ့ ပရိသတ်အချစ်တော် Spy မင်းသားကြီးရဲ့ အချစ်ကားဖြစ်တာကြောင့် ပရိသတ်တွေက များစွာ မျှော်လင့်နေကြပါတယ်။
![](https://s9.kh1.co/45/455e2bb3c473510be3c1d5911b80a1d387025669.jpeg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။