တစ်ဦးတည်းသောသားငယ်လေးကို ဓာတ်ပုံပြခန်းလိုက်ပို့ပေးနေတဲ့ မင်းသမီး ဂျင်ဆန်းမီ

ဂျင်ဆန်းမီလို့ခေါ်တဲ့ တောင်ကိုရီးယားမင်းသမီး Chae Rim ဟာဆိုရင် ဆည်းဆာရင်ခုန်သံဇာတ်လမ်းတွဲနဲ့ ပရိသတ်တွေရဲ့ အားပေးမှုတွေ တခဲနက်ရရှိခဲ့တဲ့သူဖြစ်ပါတယ်။ Chae Rim က ၁၉၉၄ ခုနှစ်မှာကတည်းက အနုပညာလောကထဲကို ဝင်ရောက်လာခဲ့တဲ့သူဖြစ်ပြီး တောင်ကိုရီးယားဇာတ်လမ်းတွေများစွာမှာသာမက တရုတ်ဇာတ်လမ်းတွဲတွေထဲမှာပါ ပါဝင်သရုပ်ဆောင်ဖူးတဲ့သူဖြစ်ပါတယ်။ Chae Rim က အိမ်ထောင်နှစ်ဆက်ကျဖူးတဲ့သူဖြစ်ပြီးဒုတိယအိမ်ထောင်ကွဲပြီးတဲ့နောက်မှာ သားငယ်လေးကို ကိုယ်တိုင်စောင့်ရှောက်နေတာဖြစ်ပါတယ်။ 

Chae Rim က သူမရဲ့ လူမှုကွန်ရက်စာမျက်နှာပေါ်မှာ သားငယ်လေးနဲ့ပတ်သက်တဲ့အကြောင်းအရာလေးတွေ အမြဲလိုလိုတင်ပေးလေ့ရှိပြီး အခုတစ်ခေါက်မှာလည်း သားငယ်လေးကို ပန်းချီပြခန်းခေါ်သွားတဲ့အကြောင်းလေး ဝေမျှပေးလာခဲ့ပါတယ်။

ဓာတ်ပုံလေးထဲမှာ ပန်းချီပြခန်းထဲမှာ ပျော်ရွှင်နေတဲ့ Chae Rim ရဲ့ သားလေးကို တွေ့ရပြီး သားအမိတွေ အရမ်းကို ကြည်နူးပျော်ရွှင်နေကြတာဖြစ်ပါတယ်။ 

Chae Rim က လက်ရှိမှာ ကိုယ်ပိုင် အလှကုန် ကုမ္ပဏီတစ်ခုထူထောင်ထားပြီး Single Mother အဖြစ်ဘဝကြီးကိုတစ်ယောက်တည်း ရပ်တည်နေတာဖြစ်ပါတယ်။ 

အနုပညာလှုပ်ရှားမှုတွေ အားလုံးကနေ ရပ်နားထားတဲ့ Chae Rim ကို ပရိသတ်တွေက ရုပ်ရှင်ကားတွေပြန်ရိုက်ဖို့လည်း မျှော်လင့်နေကြပါတယ်။