ဒီကနေ့မှာ လူပျိုကြီးဘဝကနေ ကျွတ်သွားပြီဖြစ်တဲ့ နောက်ထပ်နာမည်ကြီး မင်းသားတစ်ဦး

တောင်ကိုရီးယားနာမည်ကြီးမင်းသားတစ်ဦးဖြစ်တဲ့ Sung Hyuk ဟာဆိုရင် ဒီကနေ့မှာ လက်ထပ်သွားပြီလို့ သိရပါတယ်။ Sung Hyuk က အောက်တိုဘာလ ၂၁ ရက်နေ့မှာ အနုပညာလောကထဲကမဟုတ်တဲ့ ကောင်မလေးနဲ့ လက်ထပ်ခဲ့တာဖြစ်ပါတယ်။ 

မင်းသား Sung Hyuk က ချစ်သူကောင်မလေးနဲ့ ၂ နှစ်အကြာတွဲခဲ့ပြီးတဲ့နောက်မှာ ဘဝတစ်ခုကို အတူတကွတည်ထောင်ဖို့အတွက် ဆုံးဖြတ်ခဲ့တာဖြစ်တယ်လို့ သိရပါတယ်။ စက်တင်ဘာလ ၂၆ ရက်နေ့မှာ Sung Hyuk က သူ့ရဲ့ လူမှုကွန်ရက်စာမျက်နှာပေါ်မှာ ဘဝအသစ်တစ်ခုကို စတင်ဖို့ ဆုံးဖြတ်ခဲ့ကြောင်း ၊ သူတို့နှစ်ဦးက တစ်ယောက်ကိုတစ်ယောက်ကူညီထောက်ပံ့ပေးဖို့ ဆုံးဖြတ်ပြီး ကောင်မွန်တဲ့ဆက်ဆံရေးကို တည်ဆောက်သွားမှာဖြစ်ကြောင်း ဆိုခဲ့ပါတယ်။ 

Sung Hyuk က သူ့ရဲ့အမျိုးသမီးဖြစ်လာမယ့်သူက သူ့ကို အမြဲတမ်းထောက်ပံ့ပေးနေတဲ့ သူငယ်ချင်းတစ်ယောက်ဖြစ်ပြီး ဘာမှမရှိတဲ့အချိန်မှာတောင် အမြဲတမ်းသူ့ဘက်မှာ ရပ်တည်ပေးမယ့်သူဖြစ်ကြောင်းဆိုခဲ့ပါတယ်။

တောင်ကိုရီးယားမင်းသား Sung Hyuk က ၂၀၀၄ ခုနှစ်မှာ Lotus Flower Fairy ဇာတ်လမ်းတွဲနဲ့ ပွဲဦးထွက်လာခဲ့တာဖြစ်ပြီး Jang Bori is Here! ၊ You Are the Only One ၊ A Korean Odyssey ၊ Save Me 2 ၊ the movie “Good Friends,” နဲ့ “Operation Chromite ဇာတ်လမ်းတွေထဲမှာ ပါဝင်သရုပ်ဆောင်ခဲ့တဲ့သူဖြစ်ပါတယ်။