ပရိသတ်တွေအချစ်ပိုနေကြတဲ့ မင်းသမီး Park Eun Bin ရဲ့ လွန်ခဲ့တဲ့ အနှစ် ၂၀ က ဓာတ်ပုံ

တောင်ကိုရီးယားမင်းသမီး Park Eun Bin ဟာဆိုရင် ငယ်ငယ်လေးကတည်းက ပရိသတ်တွေကြားမှာ အချစ်တွေ အများကြီး ရရှိထားတဲ့သူလေးဖြစ်ပါတယ်။ မကြာသေးမီက ဟာသသရုပ်ဆောင် Kim Sook က Park Eun Bin ရဲ့ လွန်ခဲ့တဲ့ နှစ်ပေါင်း ၂၀ တုန်းက ဓာတ်ပုံလေးကို ချပြလာခဲ့ပါတယ်။ ဓာတ်ပုံလေးထဲမှာ Park Eun Bin က ငယ်ငယ်လေးပဲရှိပြီး ကလေးမျက်နှာလေးနဲ့ အရမ်းချစ်ဖို့ကောင်းနေပါတယ်။ 

လွန်ခဲ့တဲ့ ၂၆ နှစ်က မင်းသမီး Park Eun Bin ရဲ့ ပုံလေးကို ဟာသသရုပ်ဆောင် Kim Sook က သူမရဲ့ လူမှုကွန်ရက်စာမျက်နှာမှာ ဝေမျှပေးထားတာဖြစ်ပါတယ်။ အဲဒီအချိန်တုန်းက Park Eun Bin ရဲ့ အသက်က ၄ နှစ်သမီးအရွယ်လေးပဲ ရှိပါသေးတယ်။ အသက် ၄ နှစ်အရွယ်တုန်းက Park Eun Bin ရဲ့ မျက်နှာက လက်ရှိ အသက် ၃၀ အရွယ်အတိုင်း မပြောင်းလဲဘဲ နုပျိုပြီး ချစ်ဖို့ကောင်းနေဆဲပဲဖြစ်ပါတယ်။ 

တောင်ကိုရီးယားမင်းသမီး Park Eun Bin က ကလေးသရုပ်ဆောင်အဖြစ် ပွဲဦးထွက်လာခဲ့တဲ့သူဆိုပေမယ့် လူကြီးသရုပ်ဆောင်အဖြစ်လည်းတော်တော်လေးအောင်မြင်တဲ့သူဖြစ်ပါတယ်။

Park Eun Bin က မကြာသေးမီက Extraordinary Attorney Woo ဇာတ်လမ်းတွဲမှာ သရုပ်ဆောင်ထားပြီး ကမ္ဘာနဲ့ချီတဲ့အောင်မြင်မှုတွေ တခဲနက်ရရှိထားပါတယ်။