ပဲရစ်မှာအတူတွေ့ရတဲ့ဓာတ်ပုံတွေကြောင့် ချိန်းတွေ့နေပြီဆိုတဲ့သတင်းတွေ ထွက်နေတဲ့ Yoo Ah-in နဲ့ IU

တောင်ကိုရီးယားသရုပ်ဆောင် Yoo Ah-in နဲ့ အဆိုတော်မလေး IU တို့နှစ်ဦး ပဲရစ်မှာ လျှောက်သွားနေကြတဲ့ပုံတွေမကြာသေးမီက လူမှုကွန်ရက်စာမျက်နှာပေါ်မှာ ပြန့်နှံ့လာပါတယ်။ ဓာတ်ပုံတွေ ပြန့်လာပြီးချင်းချင်းမှာ ပရိသတ်တွေက သူတို့နှစ်ဦးကို တွဲနေကြတာလားဆိုပြီး မေးခွန်းထုတ်ထားကြပါတယ်။ တချို့ Netizen တွေကလည်း တွဲနေကြပြီဆိုတာကို မယုံကြည်ခဲ့ကြပါဘူး။ 

Yoo Ah-in နဲ့ အဆိုတော်မလေး IU တို့ရဲ့ ဓာတ်ပုံတွေက အခုမှ ပြန့်နှံ့လာတာဆိုပေမယ့် စက်တင်ဘာလ ၂၆ ရက်နေ့တုန်းက ဓာတ်ပုံတွေဖြစ်တယ်လို့ သိရှိသူတွေက အတည်ပြုထားပါတယ်။ Yoo Ah-in နဲ့ အဆိုတော်မလေး IU တို့ရဲ့ ဓာတ်ပုံတွေထွက်လာလာချင်းမှာ ပရိသတ်တွေအကြား စိတ်ဝင်စားမှုတွေ မြင့်တက်နေပါတယ်။ သူတို့နှစ်ဦးကအရင်တုန်းကလည်း ရင်းနှီးတဲ့ပုံစံမျိုးမဟုတ်တာကြောင့် မမျှော်လင့်ထားဘဲ တိုင်းတစ်ပါးမှာတွေ့စုံခဲ့ကြတာ ဖြစ်နိုင်တယ်လို့လည်း ဆိုထားကြပါတယ်။ 

လူတော်တော်များများကတော့ Yoo Ah-in နဲ့ အဆိုတော်မလေး IU တို့ရဲ့ ဆက်ဆံရေးအတွင်းကျကျကို မသိရဘဲနဲ့ခန့်မှန်းချေနဲ့ဝိုင်းပြီး မှတ်ချက်တွေ ပေးထားကြတာဖြစ်ပါတယ်။ 

လက်ရှိအချိန်အထိမှာတော့ သူတို့နှစ်ဦးစလုံးရဲ့အေဂျင်စီတွေဘက်ကနေ ပြန်လည်ဖြေရှင်းထားခြင်း မရှိသေးပါဘူး။