မျက်ရစ်မပါတဲ့အပြင် ရုပ်ပါမချောတာကြောင့် မင်းသားမဖြစ်နိုင်ဘူးလို့အပြောခံခဲ့ရဖူးတဲ့ So Ji Sub

တောင်ကိုရီယားမင်းသား So Ji Sub  ဟာဆိုရင် သူ့ဘဝရဲ့ အသက်မွေးဝမ်းကြောင်းနဲ့ပတ်သက်ပြီး You Quiz on the Block အစီအစဉ်မှာဖြေဆိုခဲ့ပါတယ်။ 

So Ji Sub က တောင်ကိုရီးယားမင်းသား Hyun Bin နဲ့ ဂျွန်စောမင်းသားကြီး Song Seung Heon တို့နဲ့အတူပွဲဦးထွက်လာတဲ့သူဖြစ်တာကြောင့် မျက်ရစ်မပါတဲ့သူအဖြစ် အဆိုပါမင်းသားတွေနဲ့ယှဉ်ရင် အရမ်းအနှိမ်ခံခဲ့ရတယ်လို့ သိရပါတယ်။ 

So Ji Sub ရုပ်မချောတဲ့အပြင် မျက်ရစ်လည်းမရှိတာကြောင့် သရုပ်ဆောင်ပြိုင်ပွဲမှာ “မင်းသား မဖြစ်လာနိုင်ဘူး “ “မင်းကသရုပ်ဆောင်လုံးဝ မဖြစ်လာနိုင်ဘူး” ဆိုပြီး အပြောခံခဲ့ရတယ်လို့ သိရပါတယ်။

သရုပ်ဆောင်အဖြစ်ပွဲဦးထွက်လာစဉ်မှာလည်း မျက်နှာကို ယုံကြည်မှုမရှိလွန်းတာကြောင့် အဆင်မပြေဖြစ်ခဲ့ရတယ်လို့ So Ji Sub ကဆိုပါတယ်။ အဆင်မပြေမှုတွေ များပေမယ့်လည်း So Ji Sub ရဲ့ ပန်းတိုင်က ပိုက်ဆံရှာဖို့ဖြစ်တာကြောင့် မိသားစုအတွက် ကြိုးစားဖို့ရည်ရွယ်ချက်နဲ့ အားတင်းရင်းကြိုးစားခဲ့တာဖြစ်တယ်လို့ ဆိုပါတယ် ။ 

ခေတ်ပြိုင်မင်းသားတွေနဲ့ ယှဉ်ရင်အမြဲလိုလို အနှိမ်ခံခဲ့ရတဲ့ မင်းသားကြီး So Ji Sub ဟာ လက်ရှိအချိန်မှာတော့အောင်မြင်တဲ့သူအဖြစ် နေရာတစ်နေရာမှာ ရပ်တည်နေပါပြီ။