သားသမီးတွေကိုအချိန်ပေးနေတာကြောင့်ပရိသတ်တွေနဲ့ အဆက်အသွယ်ပျက်နေကြောင်းပြောလာတဲ့ချန်ဂင်မင်းသမီးကြီး

တောင်ကိုရီးယားမင်းသမီးလီယောင်အေးဟာဆိုရင် သူမရဲ့သားသမီးတွေကို စောင့်ရှောက်ပေးနေရတာကြောင့်ပရိသတ်တွေနဲ့အဆက်အသွယ်ပျက်နေတဲ့အကြောင်းလေးကို ပရိသတ်တွေကို အသိပေးခဲ့ပါတယ်။

 လီယောင်အေးက သားသမီးတွေကို အချိန်ပေးဖြစ်နေတာကြောင့် လူမှုကွန်ရက်စာမျက်နှာကို အချိန်တိုင်း မသုံးဖြစ်ကြောင်း ညဘက်မှသာ သုံးဖြစ်ကြောင့် ရတဲ့အချိန်လေးမှာသာသုံးရပေမယ့် ပရိသတ်တွေနဲ့ဆက်သွယ်ရတာကြောင့် ပျော်ရွှင်ရကြောင်း ဆိုခဲ့ပါတယ်။ တောင်ကိုရီးယားမင်းသမီးလီယောင်အေးက အခုအကြောင်းအရာကို Actors House ဆိုတဲ့အစီအစဉ်မှာ ဖွင့်ဟပြောဆိုခဲ့တာဖြစ်ပါတယ်။ 

လီယောင်အေးက ကလေးတွေကို ဂရုစိုက်ပေးနေရတာကြောင့် ပရိသတ်တွေနဲ့ အချိန်အကြာကြီး မရှိနိုင်ခဲ့သလိုအဆက်အသွယ်ပျက်နေသလို ရှိနေကြောင်းကိုလည်း ဖွင့်ဟပြောဆိုခဲ့ပါတယ်။ ဒါပေမယ့်လည်း လူမှုကွန်ရက်စာမျက်နှာကို အမြဲအသုံးပြုပြီး ပရိသတ်တွေကို ဆက်သွယ်လျက်ရှိတယ်လို့ လီယောင်းအေးကဆိုပါတယ်။ 

တောင်ကိုရီးယားမင်းသမီးကြီး လီယောင်အေးက ၁၉၉၀ ခုနှစ်မှာ CF model အဖြစ်ပွဲဦးထွက်လာတဲ့သူဖြစ်ပြီး နန်းတွင်းရတနာဇာတ်လမ်းမှာ ပါဝင်ရင်း ချန်ဂင်အဖြစ် လူသိများအောင်မြင်ခဲ့တဲ့သူဖြစ်ပါတယ်။ လီယောင်အေးက၂၀၂၁ ခုနှစ်မှာ Inspector Koo ဇာတ်လမ်းမှာ ပါဝင်ခဲ့ပြီး ၂၀၁၉ ခုနှစ်တုန်းကလည်း Bring Me Home ဇာတ်လမ်းမှာ ပါဝင်သရုပ်ဆောင်ထားပါတယ်။