ပြင်သစ်နိုင်ငံမှာ ပညာသင်ကြားနေတဲ့ ဂျူမုံမင်းသားကြီးရဲ့အမွှာလေး ၃ ယောက်ရဲ့ အခြေအနေ

The Return Of Superman အစီအစဉ်နဲ့ နာမည်ရအောင်မြင်ခဲ့တဲ့ ဂျူမုံမင်းသားကြီးရဲ့သားလေး ၃ ယောက်ဟာဆိုရင် ပရိသတ်ပေါင်းများစွာရဲ့အချစ်ကို ရရှိထားတဲ့ ကလေးငယ်လေးတွေဖြစ်ပါတယ်။ ဂျူမုံမင်းသားကြီးဆောင်းအီဂွတ်ရဲ့ သားလေးသုံးယောက်နာမည်က ဒယ်ဟန် ၊ မင်ဂွတ် နဲ့ မန်ဆယ်တို့ ဖြစ်ကြပြီး သူတို့သုံးယောက်က ပြည့်သူ့အချစ်တော် ကလေးလေးတွေလို့ တင်စားရလောက်တဲ့အထိ ပရိသတ်တွေကြားမှာရေပန်းစားပါတယ်။

မင်းသားကြီးဆောင်းအီဂွတ်က သူ့ရဲ့၃မွှာပူးသားလေး ၃ ယောက်ကို The Return of Superman အစီအစဉ်ကနေ ထုတ်ခဲ့ရတဲ့အကြောင်းအရင်းက ကလေးတွေရဲ့ လုံခြုံရေးနဲ့လွတ်လပ်မှုကြောင့် ဖြစ်တယ်လို့ ဆိုပါတယ်။ အောင်မြင်မှုက ကလေးတွေကို ခက်ခဲမှုတွေ များစွာဖြစ်စေပြီး သူတို့ရဲ့ ဖြူစင်ရိုးသားမှုလေးတွေကိုပါ ပျောက်ကွယ်သွားနိုင်တာကြောင့်ဖြစ်တယ်လို့ သိရပါတယ်။ 

ဆောင်းအီဂွတ်ရဲ့ သားလေး ၃ ယောက်က ပရိုပရမ်ထဲကနေ နှုတ်ထွက်သွားခဲ့တာ အချိန်တော်တော်ကြာခဲ့ပြီဆိုပေမယ့် အခုအချိန်အထိ ပရိသတ်တွေရင်ထဲမှာ နာမည်မပျောက်သေးဘဲ ဆက်လက်တည်ရှိနေတုန်းပဲ ဖြစ်ပါတယ်။

မကြာသေးမီက ထွက်ရှိလာခဲ့တဲ့ အမွှာလေး ၃ ယောက်ရဲ့ လက်ရှိပုံရိပ်က ပရိသတ်တွေကြားမှာ စိတ်ဝင်စားမှုမြင့်တက်နေခဲ့ပါတယ်။ အမွှာလေး ၃ ယောက်က လက်ရှိမှာ ၁၀ နှစ်အရွယ်ရှိနေပြီဖြစ်ပြီးအတန်းကတော့ Grade 4 ကို ရောက်နေပါပြီ။ အမွှာလေး ၃ ယောက်ထဲမှာ အကြီးဆုံးသားလေး ဒယ်ဟန်က အရပ် ၁.၅၄ မီတာ ၊ မင်ဂွတ်က ၁.၅၄ မီတာ ၊ မယ်ဆယ်က ၁.၅၂ မီတာ ရှိပါတယ်။ အရပ်ကြီးတွေရှည်ပြီး အရွယ်ရောက်နေကြပေမယ့်လည်း အမွှာလေး၃ ယောက်က ငယ်ရုပ်မပြောင်းဘဲ ချောမော ခန့်ညားနေတုန်းပဲဖြစ်ပါတယ်။ 

ပြီးခဲ့တဲ့နှစ်က ဒယ်ဟန် ၊ မင်ဂွတ်နဲ့ မယ်ဆယ်တို့က သူတို့မိဘတွေနဲ့အတူ ပြင်သစ်နိုင်ငံမှာ ပညာသွားသင်ခဲ့ကြပါတယ်။ တစ်ခါတစ်ရံမှာ ဆွေမျိုးတွေရှိတဲ့ ကိုရီးယားကို  ပြန်လာလည်လေ့ရှိပါတယ်။

မင်းသားကြီး ဆောင်းအီဂွတ်က အမွှာလေး ၃ ယောက်ကို အဓိပ္ပါယ် ပြည့်ဝတဲ့ ပရဟိတ လှုပ်ရှားမှုတွေထဲမှာ ပါဝင်ခိုင်းပြီး ပညာသင်ကြားရေးကို အနှောင့် အယှက်မပြုနိုင်ဖို့ ကြိုးစားနေတယ်လို့ သိရပါတယ်