အိမ်ထောင်အသီးသီးကျကြပြီဖြစ်တဲ့ ဆွန်ရီဂျင်းရဲ့အချစ်ဆုံးသူငယ်ချင်း ၇ ယောက်

တောင်ကိုရီးယားနာမည်ကျော်မင်းသမီးဆွန်ရီဂျင်းဟာဆိုရင် ရုပ်ရှင်ဇာတ်လမ်းတွဲတွေထဲမှာ နာမည်ကြီးတဲ့သူဖြစ်ရုံသာမက သူငယ်ချင်းအပေါင်းအသင်းပေါများလွန်းတဲ့သူဖြစ်ပါတယ်။ 

ဆွန်ရီဂျင်းက အနုပညာလောကမှာနာမည်ကြီးတဲ့သူဖြစ်ပြီး သူမရဲ့အခင်မင်ဆုံးလို့ သတ်မှတ်ခြင်းခံရတဲ့ သူငယ်ချင်း ၇ ယောက်ကို စင်ဒရဲလား ၇ယောက်အဖြစ် နာမည်ပြောင်ပေးထားတဲ့သူဖြစ်ပါတယ်။ ဆွန်ရီဂျင်းရဲ့ စင်ဒရဲလား ၇ ယောက် သူငယ်ချင်းတွေအားလုံးက အသက် ၄၀ အရွယ်တွေ ဖြစ်ကြပြီး သူတို့အားလုံးက အိမ်ထောင်အသီးသီးကျသွားကြပြီပဲ ဖြစ်ပါတယ်။ သူတို့အားလုံးထဲမှာ Uhm Ji-won နဲ့ Oh Yoon-ah ကတော့ ကွာရှင်းထားကြတာဖြစ်ပါတယ်။ 

ဆွန်ရီဂျင်းရဲ့ နာမည်ကြီး မင်းသမီးသူငယ်ချင်း ၆ ယောက်က Gong Hyo-jin ၊ Uhm Ji-won ၊ Lee Min-jung ၊ Oh Yoon-ah ၊ Lee Jung-hyun နဲ့ Song Yoon-ah တို့ဖြစ်ပါတယ်။ သူတို့ သူငယ်ချင်း ၇ ယောက်က အရမ်းကို ခင်မင်ကြပြီး အတူစား အတူသွားကာ ညည့်နက်တဲ့အထိ အရက်သောက်ကြတယ်လို့လည်း တီဗီအစီအစဉ်တစ်ခုမှာ ဝေမျှခဲ့ဖူးပါတယ်။ 

1. Gong Hyo-jin

တောင်ကိုရီးယားမင်းသမီး Gong Hyo-jin က Pasta (2010) ၊ The Greatest Love (2011) ၊  Master’s Son (2013) နဲ့ When the Camellia Blooms (2019) ဇာတ်လမ်းတွဲတွေထဲမှာ ပါဝင်သရုပ်ဆောင်ခဲ့တဲ့သူဖြစ်ပြီးအောင်မြင်နေတဲ့ မင်းသမီးတစ်လတ်ဖြစ်ပါတယ်။

Gong Hyo-jin နဲ့ ဆွန်ရီဂျင်းတို့က မင်္ဂလာပွဲအပါအဝင် များပြားလှတဲ့ ပါတီပွဲတွေကို အတူတူ ဆင်နွှဲခဲ့ဖူးပြီး အရမ်းကို ခင်မင်ကြတဲ့သူငယ်ချင်း အရင်းကြီးတွေဖြစ်ပါတယ်။ Gong Hyo-jin က ဆွန်ရီဂျင်းကြောင့်အနုပညာအလုပ်တွေကို လုပ်ဆောင်ဖို့အတွက် ခွန်အားရှိလာခဲ့တဲ့သူဖြစ်တယ်လို့ အင်တာဗျူးတစ်ခုမှာ ဖြေဆိုခဲ့ပါတယ်။ မင်းသမီးGong Hyo-jin က စင်ဒရဲလား ၇ ယောက် သူငယ်ချင်းအဖွဲ့မှာ လက်မထပ်ရသေးတဲ့နောက်ဆုံးကျန်ရစ်သူ ဖြစ်ပေမယ့် သူမကလည်း မကြာသေးမီကမှ အသက် ၁၀ နှစ်ပိုငယ်တဲ့ အဆိုတော် ကောင်လေးနဲ့ လက်ထပ်သွားခဲ့ပါပြီ။ 

2. Uhm Ji-won

တောင်ကိုရီးယားမင်းသမီး Uhm Ji-won ဟာဆိုရင်လည်း စင်ဒရဲလားအဖွဲ့ထဲမှာပါဝင်တဲ့ ဆွန်ရီဂျင်းရဲ့ ချစ်စရာသူငယ်ချင်း တစ်ယောက်ဖြစ်ပါတယ်။ Uhm Ji-won က အနုပညာလောကထဲကမဟုတ်တဲ့ ခင်ပွန်းဖြစ်သူနဲ့ ၇ နှစ်ကြာလက်ထပ်ပြီးနောက်မှာ ပြီးခဲ့တဲ့ နှစ်ကမှ ကွာရှင်းထားတာဖြစ်ပါတယ်။ Uhm Ji-won ဟာ ကွာရှင်းခဲ့တဲ့အချိန်အထိ သားသမီး ရတနာမထွန်းကားခဲ့တဲ့သူဖြစ်ပါတယ်။ 

3. Lee Min-jung

တောင်ကိုရီးယားမင်းသမီး ဆွန်ရီဂျင်းနဲ့ Lee Min-jung တို့ဟာလည်း ညီအစ်မတွေလို ရင်းနှီးတဲ့ သူငယ်ချင်းတွေဖြစ်ကြပါတယ်။ သူတို့နှစ်ယောက်ရဲ့ ခင်မင်မှုကို ဆိုရှယ်မီဒီယာ ပို့စ်တွေကနေ အထင်အရှားတွေ့ရပြီး ပရိသတ်တွေအားကျလောက်တဲ့အထိ ဆက်ဆံရေးရှိတဲ့ သူငယ်ချင်းတွေ ဖြစ်ပါတယ်။ Lee Min-jung က ၂၀၁၃ ခုနှစ်မှာမင်းသား Lee Byung-hun နဲ့ လက်ထပ်ခဲ့ပြီး ၂၀၁၅ ခုနှစ်မှာ သားလေးတစ်ယောက်ရရှိပိုင်ဆိုင်ခဲ့ပါတယ်။ 

4. Oh Yoon-ah

မော်ဒယ်ကနေ သရုပ်ဆောင်အဖြစ်ပြောင်းလဲလာတဲ့ တောင်ကိုရီးယားမင်းသမီး Oh Yoon-ah ဟာဆိုရင်လည်း ဆွန်ရီဂျင်းရဲ့ အချစ်ဆုံး သူငယ်ချင်းတွေထဲကတစ်ယောက်ဖြစ်ပါတယ်။ Oh Yoon-ah က ဆွန်ရီဂျင်းနဲ့ အရမ်းရင်းနှီးတဲ့သူဖြစ်ပြီး လက်ထပ်ပြီးတဲ့အချိန်မှာလည်း ပြောင်းလဲသွားခြင်းမရှိဘဲ ခင်မင်ဆဲ ရင်းနှီးဆဲဖြစ်တယ်လို့ သိရပါတယ်။ Oh Yoon-ah က ၂၀၁၅ ခုနှစ်မှာ ခင်ပွန်းဖြစ်သူ Song Hoon နဲ့ ကွာရှင်းခဲ့ပြီး မသန်စွမ်းသားလေးကို Single Mother အဖြစ် စောင့်ရှောက်နေတာဖြစ်ပါတယ် 

5. Lee Jung-hyun

Lee Jung-hyun က ဆွန်ရီဂျင်းနဲ့အရမ်းရင်းနှီးတဲ့ သူငယ်ချင်းဖြစ်ပြီး Master in the House အစီအစဉ်မှာလည်းအတူတူ ပါဝင်ခဲ့ဖူးတဲ့သူဖြစ်ပါတယ်။  သူတို့နှစ်ဦးက လက်မထပ်ခင်မှာ ကျင်းပပြုလုပ်တဲ့ bridal shower ပွဲမှာလည်း အတူတူရှိခဲ့ကြပြီး ပြောစရာမလိုအောင်ကို ရင်းနှီးခဲ့ကြတဲ့သူတွေ ဖြစ်ပါတယ်။ ဆွန်ရီဂျင်းလိုပဲ Lee Jung-hyun ဟာဆိုရင်လည်း အောင်မြင်နေတဲ့ သရုပ်ဆောင်တစ်ယောက်ဖြစ်ပါတယ်။ 

6. Song Yoon-ah

တောင်ကိုရီးယားမင်းသမီး Song Yoon-ah ဟာဆိုရင် မင်းသား Sol Kyung-gu ရဲ့ အမျိုးသမီးဖြစ်ပါတယ်။ သူမက ဆွန်ရီဂျင်းနဲ့ ခင်မင်ရင်းနှီးတဲ့သူဖြစ်ပြီး ဆွန်ရီဂျင်းကို happy virus လေးလို့ သတ်မှတ်ထားတဲ့သူဖြစ်ပါတယ်။Song Yoon-ah အဆင်မပြေဖြစ်လာတိုင်း ဆွန်ရီဂျင်းက အမြဲပျော်အောင်လုပ်ပေးတတ်တဲ့သူလို့ သိရပါတယ်။ 

စင်ဒရဲလား ၇ ယောက်လို့ သတ်မှတ်ရလောက်အောင် အနုပညာလောကမှာ နာမည်ကြီးကြတဲ့ သူငယ်ချင်း ၇ယောက်အကြောင်းကို ချစ်စဖွယ်လေး ဖော်ပြပေးလိုက်ပါတယ်။