မိဘတွေရှိတဲ့အမေရိကားမှာ နိုင်ငံသားဖြစ်ခွင့်ကိုစွန့်လွှတ်ပြီးကိုရီးယားမှာနေထိုင်ဖို့ရွေးချယ်ခဲ့တဲ့ Ok Taec-yeon

တောင်ကိုရီးယားအဆိုတော် ၊ သရုပ်ဆောင် Ok Taec-yeon ဟာဆိုရင် သရုပ်ဆောင်ပိုင်းမှာ နာမည်ကြီးတဲ့သူဖြစ်သလို 2PM အဖွဲ့ဝင်အဖြစ်လည်း ပရိသတ်တွေကြားမှာ လူကြိုက်များရေပန်းစားတဲ့သူဖြစ်ပါတယ်။ Ok Taec-yeon က ကိုရီးယားလူမျိုးတစ်ယောက်ဆိုပေမယ့် အသက် ၁၀ နှစ်အရွယ်ကတည်းက မိဘတွေနဲ့အစ်မရှိတဲ့ အမေရိကားကို ပြောင်းရွှေ့နေထိုင်ခဲ့တာဖြစ်ပါတယ်။ Ok Taec-yeon က အမေရိကန်နိုင်ငံသားအဖြစ် အမေရိကားမှာ အခြေကျနေထိုင်ဖို့ လက်ခံခြင်းခံခဲ့ရပေမယ့်လည်း အခွင့်အရေးကို ငြင်းဆန်ပြီး တောင်ကိုရီးယား နိုင်ငံသားအဖြစ်ကိုသာ လက်ခံခဲ့တယ်လို့ သိရပါတယ်။ 

လက်ရှိမှာ Ok Taec-yeon က အမေရိကန်နိုင်ငံသားဖြစ်ခွင့်ကို စွန့်လွှတ်ပြီး ကိုရီးယားမှာ စစ်မှုထမ်းဆောင်ဖို့ လုပ်ဆောင်နေတာဖြစ်ပါတယ်။ ဒီကနေ့မှာတော့ အဆိုတော်၊သရုပ်ဆောင် Ok Taec-yeon က စစ်မှုထမ်းဆောင်ထားတဲ့ ဝတ်စုံလေးကို ဝတ်ဆင်ကာ “#Captain Korea. #First Reserve Army” ဆိုတဲ့ စာသားလေးနဲ့အတူ ဓာတ်ပုံလေးတွေ ချပြပေးလာခဲ့ပါတယ်။  

ဓာတ်ပုံထဲမှာ ယောကျာ်းပီသစွာနဲ့ ခန့်ညားနေတဲ့ Ok Taek-yeon ကို ပရိသတ်တွေများစွာက ချစ်ခင်သဘောကျနေကြပါတယ်။ Ok Taek-yeon က ကိုရီးယားနိုင်ငံမှာ စစ်မှုထမ်းဆောင်လိုက်တဲ့အတွက် မိဘတွေရှိရာ အမေရိကားမှာ နိုင်ငံသားဖြစ်ခွင့်ကို ဆုံးရှုံးခံလိုက်ရမှာဖြစ်ပါတယ်။

Ok Taek-yeon က လက်ရှိမှာ Blind ဇာတ်လမ်းတွဲမှာ ပါဝင်သရုပ်ဆောင်ထားပြီး ပရိသတ်တွေရဲ့ အားပေးမှုကို များစွာ ရရှိထားပါတယ်။