သားလေးနဲ့အတူ သူမရဲ့ဆိုင်လေးကို သွားရောက်ကြည့်ရှုနေတဲ့ မင်းသမီးဆန်းမီ

ဂျင်ဆန်းမီလို့ လူသိများတဲ့ တောင်ကိုရီးယားမင်းသမီး Park Chae Rim ဟာဆိုရင် မသိတဲ့လူမရှိလောက်အောင်ကိုနာမည်ကြီးခဲ့တဲ့ မင်းသမီး တစ်လတ်ဖြစ်ပါတယ်။ 

Park Chae Rim  က အိမ်ထောင်နှစ်ဆက်နဲ့ ကွာရှင်းပြီးနောက်မှာ Single Mother အဖြစ် ဘဝကြီးကို အကောင်းဆုံးဖြစ်လာအောင် ကြိုးစားရပ်တည်နေလျက်ရှိပါတယ်။ 

Park Chae Rim က သားလေးကို အရမ်းချစ်တဲ့သူဖြစ်ပြီး သူမရဲ့သားလေးကသာ သူမကို ရယ်မောအောင်လုပ်ပေးနိုင်တဲ့သူ ၊ ပျော်ရွှင်အောင်လုပ်ပေးနိုင်တဲ့သူလို့ သတ်မှတ်ထားတဲ့ သူဖြစ်ပါတယ်။ Park Chae Rim  က လက်ရှိမှာအနုပညာအလုပ်တွေကနေ ရပ်နားထားပြီး ကိုယ်ပိုင်စီးပွါးရေးလုပ်ငန်းအတွက် ကြိုးစားနေတာဖြစ်ပါတယ်။ 

သူမရဲ့အလှကုန်အမှတ်တံဆိပ်လေးဖြစ်တဲ့ Wooliliwoo ဟာဆိုရင်လည်း လက်ရှိမှာစျေးကွက်ထဲကို ရောက်ရှိနေပြီးတောင်ကိုရီးယားနိုင်ငံအပြင် အမေရိကားကိုပါ ဖြန့်ဝေလျက်ရှိနေပြီလို့သိရပါတယ်။ Park Chae Rim  က မကြာသေးမီက သူမရဲ့ ကိုယ်ပိုင် ဆိုင်လေးကို သားလေးနဲ့အတူ သွားရောက်ကြည့်ရှုနေတဲ့ပုံလေး ဝေမျှပေးလာခဲ့ပါတယ်။ 

ဓာတ်ပုံလေးထဲမှာ Park Chae Rim နဲ့သူမရဲ့သားလေးတို့က ဝမ်းသာပျော်ရွှင်နေကြပြီး ပီတိဖြစ်နေကြတာကိုအထင်အရှားတွေ့ရပါတယ်။ 

ကိုယ်တိုင်ဖွင့်လှစ်ထားတဲ့ ဆိုင်လေးကို သွားရောက်ကြည့်ရှုနေကြတဲ့ မင်းသမီးဆန်းမီတို့ သားအမိရဲ့ ပုံရိပ်လေးကို ချစ်စဖွယ်လေးဖော်ပြပေးလိုက်ပါတယ်။