သားလေးနဲ့မဟုတ်ဘဲ ကြောင်လေးနဲ့ အဆင်ပြေပြေရှိနေတဲ့ ပုံလေးတင်ပေးလိုက်တဲ့ ပတ်ရှင်ဟေး

တောင်ကိုရီးယားမင်းသမီး ပတ်ရှင်ဟေးဟာဆိုရင် အချိန်အကြာကြီးနေပြီးမှ ပရိသတ်တွေဆီကို ပုံလေးတစ်ပုံနဲ့အတူ ပြန်လည်ရောက်ရှိလာခဲ့ပါတယ်။ ဓာတ်ပုံလေးထဲမှာ ပတ်ရှင်ဟေးက သူမရဲ့ကြောင်လေးဖြစ်တဲ့ Harry နဲ့အတူတူတွဲပြီး အိမ်ရာထဲမှာ နီးနီးကပ်ကပ်ရှိနေတာဖြစ်ပါတယ်။ ပတ်ရှင်ဟေးက မကြာသေးမီအချိန်က သားဦးလေးကို မွေးဖွားခဲ့တာဆိုပေမယ့် သားလေးရဲ့ ဓာတ်ပုံလေးကို တစ်ခါမှ မတင်ဖူးသေးပါဘူး။ 

ပတ်ရှင်ဟေးက အသက် ၃၀ ကျော်အရွယ် ကလေးတစ်ယောက်အမေဖြစ်ပေမယ့် အသက် ၂၀ အရွယ်ကောင်မလေးလိုမျိုး ချစ်ဖို့ကောင်းပြီး နူးညံ့လွန်းနေပါတယ်။ပတ်ရှင်းဟေးရဲ့ပုံစံက အရင်တုန်းကထက်ပိုပြီးမျက်နှာဖောင်းဖောင်း အစ်အစ်လေးဖြစ်နေပေမယ့်လည်း လှပချောမောမှုတွေကတော့ လုံးဝ မပျောက်သွားသေးပါဘူး။ 

တောင်ကိုရီးယားမင်းသမီး Park Shin-hye နဲ့ မင်းသား Choi Tae Joon တို့က ၄ နှစ်ကြာတွဲပြီး ၂၀၂၂ ခုနှစ်ဇန်နဝါရီလမှာ လက်ထပ်ခဲ့တာဖြစ်ပါတယ်။ 

ပတ်ရှင်ဟေးက မေလမှာ သားဦးလေးတစ်ယောက်ကို မွေးဖွားထားပြီးအနုပညာလှုပ်ရှားမှုတွေ အားလုံးကနေ ရပ်နားထားပါတယ်။