နာမည်မကြီးခင်ကတည်းက အခင်ဆုံးသူငယ်ချင်းတွေဖြစ်ခဲ့ကြတဲ့ ဂျွန်ဆောမင်းသားနဲ့ ဘတ်ချောအွန်း

ဘတ်ချောအွန်းလို့လူသိများတဲ့ တောင်ကိုရီးယားမင်းသား So Ji-sub နဲ့ ဂျွန်ဆောလို့လူသိများတဲ့ မင်းသားကြီး Song Seung-heon တို့ဟာ နာမည်မကြီးခင် လွန်ခဲ့တဲ့ ဆယ်စုနှစ်လောက်ကတည်းက အရမ်းကို ခင်မင်ရင်းနှီးကြတဲ့ သူငယ်ချင်းတွေ ဖြစ်ကြပါတယ်။ သူတို့ရဲ့ ခင်မင်ရင်းနှီးတဲ့ သူငယ်ချင်းသံယောဇဉ်က အခုအချိန်အထိ ပြောင်းလဲခြင်းမရှိသေးတဲ့အကြောင်း So Ji-sub က သူ့ရဲ့ လူမှုကွန်ရက်စာမျက်နှာပေါ်မှာ ဝေမျှပေးလာခဲ့ပါတယ်။ 

ဒီကနေ့က ဂျွန်ဆောလို့ လူသိများတဲ့တောင်ကိုရီးယားမင်းသား Song Seung-heon ရဲ့ မွေးနေ့ဖြစ်တာကြောင့် So Ji-sub က သူ့သူငယ်ချင်းနဲ့ တွဲရိုက်ထားတဲ့ ဓာတ်ပုံလေးတွေကို တင်ပေးခဲ့တာဖြစ်ပါတယ်။ဓာတ်ပုံထဲမှာ သူငယ်ချင်း သံယောဇဉ်ထက်ပိုတဲ့ နာမည်ကြီး မင်းသားကြီး နှစ်ယောက်ရဲ့ ခင်မင်မှုကို အထင်အရှားတွေ့ရပါတယ်။ နှစ်ဦးသားက တစ်ခေတ်တစ်ခါက ပုံစံတစ်မျိုးနဲ့ အောင်မြင်ခဲ့ကြသလို လက်ရှိမှာလည်း တစ်မူထူးခြားတဲ့ ပုံစံနဲ့ ချောမောခန့်ညားနေကြတုန်းပဲ ဖြစ်ပါတယ်။ 

တောင်ကိုရီးယားမင်းသား So Ji-sub က လက်ရှိမှာ Confession ဇာတ်ကားထဲမှာ ပါဝင်သရုပ်ဆောင်ထားပြီး ဇာတ်ကားက အောက်တိုဘာလ ၂၆ ရက်နေ့မှာ ထွက်ရှိမယ်လို့ သိရပါတယ်။

Song Seung-heon ရဲ့ ဇာတ်လမ်းတွဲအသစ်ဖြစ်တဲ့ Black Knight စီးရီးကလည်း နောက်နှစ်မှာ ထွက်ရှိတော့မှာဖြစ်ပါတယ်။

အောင်မြင်မှုတွေ မရရှိခင်ကတည်းက အရမ်းကို ခင်မင်ရင်းနှီးကြတဲ့ တောင်ကိုရီးယား မင်းသားကြီး နှစ်ယောက်ရဲ့ အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။