ကလေးဘဝတုန်းကမျက်နှာနဲ့ ချွတ်ဆွတ်တူနေတာကြောင့် စိတ်ဝင်စားခံနေရတဲ့မင်းသားကြီး So Ji Sub

တောင်ကိုရီးယားမင်းသား So Ji Sub ဟာဆိုရင် အသက် ၄၄ နှစ်အရွယ်ရှိနေပြီဖြစ်တဲ့ ဝါရင့် မင်းသားတစ်ယောက်ဖြစ်ပါတယ်။ So Ji Sub က ကလေးဘဝတည်းက ချောမောခန့်ညားပြီး ငယ်ရုပ်မပျောက်တဲ့သူဖြစ်တဲ့အကြောင်းကို လူမှုကွန်ရက်ပေါ်ကနေ ဓာတ်ပုံလေးတွေနဲ့ ဝေမျှပေးလာခဲ့ပါတယ်။ ဓာတ်ပုံလေးတွေထဲမှာ So Ji Sub ရဲ့ ငယ်ငယ်တုန်းက မျက်နှာကို အထင်အရှားတွေ့ရပါတယ်။ ပိုပြီး ထူးခြားတာက So Ji Sub ရဲ့ ငယ်ဘဝမျက်နှာလေးက လူကြီးတုန်းက ပုံစံနဲ့ ကွာခြားခြင်းမရှိဘဲ တစ်ရုပ်တည်း ဖြစ်နေတာဖြစ်ပါတယ်။ 

နောက်ဆုံးဓာတ်ပုံလေးမှာ So Ji Sub က သူ့ရဲ့ လက်ရှိပုံရိပ်လေးဖြစ်တဲ့ ဆံပင်အရှည်နဲ့ နှုတ်ခမ်းမွှေးနဲ့ ပုံလေးကို တင်ထားပါတယ်။ So Ji Sub က ငယ်ဘဝတုန်းက ဓာတ်ပုံနဲ့ လက်ရှိ ပုံစံကို နှိုင်းယှဉ်ဖော်ပြပေးချင်တဲ့ ပုံစံရှိပါတယ်။

So Ji Sub ရဲ့ post အောက်မှာ Netizen တွေက ငါတို့ရဲ့ ချစ်ဖို့ကောင်းတဲ့ အိုပါး ၊ ငယ်ငယ်တုန်းက အရမ်း ချစ်ဖို့ကောင်းတာပဲ ၊ ကလေးတုန်းကလည်း အရမ်းချောတာပဲနော် ၊ ကလေးတုန်းက ချစ်ဖို့ကောင်းတယ် အခု က မိုက်တယ် ၊ မျက်နှာပုံစံက မပြောင်းသေးဘူး စတဲ့ မှတ်ချက်တွေ ပေးထားကြပါတယ်။ 

တောင်ကိုရီးယားမင်းသား So Ji Sub က  အစီအစဉ် တင်ဆက်သူ Jo Eun Jung နဲ့ ၂၀၂၀ ခုနှစ်မှာ လက်ထပ် ခဲ့ပြီး လက်ရှိမှာ ချစ်ကြည်နူးစရာ အိမ်ထောင်ရေးလေးကို တည်ဆောက်ထားပါတယ်။

So Ji Sub က အချိန်အတော်ကြာ အနုပညာ လှုပ်ရှားမှုတွေကနေ ပျောက်ကွယ်သွားပြီးနောက်မှာတော့ လက်ရှိမှာ ဇာတ်လမ်းတွဲတွေထဲ ပြန်ပြီး ပါဝင်နေပြီပဲ ဖြစ်ပါတယ်။