အသက် ၉ နှစ်ပဲရှိသေးပေမယ့် ချက်တတ်ပြုတ်တတ်နေပြီဖြစ်တဲ့ ဒါရိုက်တာရင်ရဲ့သမီးချောလေး

ဒါရိုက်တာရင်လို့ လူသိများတဲ့တောင်ကိုရီးယားမင်းသားကြီး Jang Dong-gun ဟာဆိုရင် မကြာသေးမီက ဒုတိယသမီးလေးရဲ့ အကြောင်းကို ပရိသတ်တွေကို ဝေမျှပေးလာခဲ့ပါတယ်။  

ဒီအကြောင်းအရာလေးကို မိခင်ဖြစ်သူ Ko So-young က သူမရဲ့ လူမှုကွန်ရက်စာမျက်နှာပေါ်မှာ Yoon-seol က သူ့အစ်ကိုအတွက် မွေးနေ့ကိတ်လေးကိုယ်တိုင်လုပ်ပေးထားတာဆိုတဲ့ စာသားလေးနဲ့တင်ပေးလာတာဖြစ်ပါတယ်။ 

ဓာတ်ပုံလေးတွေထဲမှာ ဒါရိုက်တာရင်ရဲ့ သမီးလေးက Yoon-seol က အေပရွန်လေးကိုဝတ်ထားပြီး ကိတ်မုန့်လေးကို ကိုယ်တိုင်လုပ်နေတာဖြစ်ပါတယ်။ Yoon-seol လေးက မျက်နှာလေးကို ဖုံးထားပေမယ့်လည်း သူမရဲ့ နှာခေါင်းလေးနဲ့ မျက်နှာကျပုံစံလေးက မိခင်ဖြစ်သူနဲ့ အရမ်းတူနေတာကို တွေ့ရပါတယ်။ Yoon-seol က အခုနှစ်မှ ၉ နှစ်ပြည့်မယ့် ကလေးငယ်လေးဖြစ်ပေမယ့် မွေးနေ့ကိတ်တောင် ကိုယ်တိုင် လုပ်နိုင်နေပြီ ဖြစ်တာကြောင့် ပရိသတ်တွေက အရမ်းကို ချစ်မဝဖြစ်နေကြပါတယ် ။ Yoon-seol က ခရင်ကို ကိုယ်တိုင် ရိုက်နေတာဖြစ်ပြီး သူမရဲ့ ပုံဖော်နိုင်တဲ့အရည်အချင်းကလည်း ပရိသတ်တွေကို ကြွေသွားစေနိုင်ခဲ့ပါတယ်။ 

Yoon-seol က ဖေဖော်ဝါရီလတုန်းကလည်း သူမကိုယ်တိုင် ဖန်တီးပြုလုပ်ထားတဲ့ ဖုန်းကာဗာလေးကို မိခင်ကြီးအတွက် မွေးနေ့လက်ဆောင်လေး ပေးခဲ့ပါသေးတယ်။ Yoon-seol က အနုပညာမျိုးရိုးကနေ ဆင်းသတ်လာတဲ့သူဖြစ်တာကြောင့် သူမရဲ့ အနုပညာ အရည်အချင်းကတော့ အရမ်းကို ထူးခြားပါတယ်။ တောင်ကိုရီးယားမင်းသမီးKo So-young ဟာဆိုရင် သရုပ်ဆောင်ကောင်းရုံသာမက အရမ်းတော်တဲ့ စားဖိုမှူးတစ်ယောက်လည်းဖြစ်ပါတယ်။သူမက သမီးဖြစ်သူလေးကို နေ့စဉ်နေ့တိုင်း အိမ်ထောင်မှုတာဝန်လေးတွေ ပို့ချသင်ကြားပေးနေတာဖြစ်ပြီး သမီးလေးကလည်း အရမ်းကို လိမ္မာရေးခြားရှိပါတယ်။ 

ဒါရိုက်တာရင်လို့ လူသိများတဲ့ တောင်ကိုရီးယားမင်းသားကြီး Jang Dong-gun နဲ့ မင်းသမီး Ko So-young တို့က၂၀၁၀ ခုနှစ်မှာ လက်ထပ်ခဲ့တာဖြစ်ပြီး သားလေးတစ်ယောက်နဲ့ သမီးလေးတစ်ယောက်ကို ရရှိပိုင်ဆိုင်ထားပါတယ်။ 

Ko So-young က သမီးလေးရဲ့ အကြောင်းကိုနေ့စဉ်နေ့တိုင်း လူမှုကွန်ရက်ပေါ်မှာ ဝေမျှပေးလေ့ရှိတဲ့သူဖြစ်ပြီး အခုတစ်ခေါက်မှာလည်း အရွယ်နဲ့မလိုက်အောင် ထူးချွန်နေတဲ့သမီးလေးအကြောင်းကို ပရိသတ်တွေကို ကြွားလိုက်တာဖြစ်ပါတယ်။