ဆင်းရဲတဲ့ အလုပ်သမားခင်ပွန်းကို ထုတ်ပြောရမှာ မရှက်ခဲ့တဲ့မင်းသမီးကြီး Ra Mi-ran

တောင်ကိုရီးယားမင်းသမီးကြီး Ra Mi-ran ဟာဆိုရင် သရုပ်ဆောင်ကောင်းမွန်တဲ့သူဖြစ်ပြီး ဇာတ်လမ်းတွဲတိုင်းလိုလိုမှာ ပီပီပြင်ပြင် သရုပ်ဆောင်နိုင်တဲ့သူဖြစ်ပါတယ်။ Ra Mi-ran က ဇာတ်ကားတိုင်းလိုလိုမှာ ပါဝင်သရုပ်ဆောင်ဖို့ ကမ်းလှမ်းခြင်း ခံရတဲ့သူဖြစ်လို့ အလုပ်အများဆုံး သရုပ်ဆောင်အဖြစ်တောင် သတ်မှတ်ခြင်း ခံခဲ့ရတဲ့သူဖြစ်ပါတယ်။ 

မင်းသမီးကြီး  Ra Mi-ran ကနာမည်ကြီးတဲ့ ဇာတ်ရံသရုပ်ဆောင်ဖြစ်ပေမယ့်လည်း သူမရဲ့ ခင်ပွန်းကတော့အဆိုတော် Shin Sung-woo ရဲ့ မန်နေဂျာ လုပ်ခဲ့ဖူးတဲ့သူဖြစ်ပါတယ်။ ခင်ပွန်းဖြစ်သူက ထင်ထားသလောက်ငွေမရှာနိုင်တဲ့ ကာယ အလုပ်သမား ဖြစ်ပေမယ့် မင်းသမီးကြီး Ra Mi-ran က သူမရဲ့ခင်ပွန်းဖြစ်သူကို လုံးဝမရှက်တဲ့သူဖြစ်ပါတယ်။ 

Ra Mi-ran ရဲ့ ခင်ပွန်းဖြစ်သူက လစာနည်းပါးတာကြောင့် Ra Mi-ran အနေနဲ့ အလုပ်တော်တော်လေး ကြိုးစားခဲ့ရတယ်လို့ သိရပါတယ်။ 

Ra Mi-ran က ဇာတ်ပို့သရုပ်ဆောင်အဖြစ် မအောင်မြင်တဲ့အချိန်မှာ ခင်ပွန်းဖြစ်သူလစာနဲ့ မလောက်ငလို့ ကြိုးစားရုန်းကန်ရင်း ခက်ခဲလွန်းလှတဲ့အချိန်ကို ဖြတ်သန်းခဲ့ရပါတယ်။

Ra Mi-ran ကိုယ်ဝန်ရှိစဉ်ကာလမှာ အဆင်မပြေတဲ့ကြားထဲက အနုပညာအလုပ်တွေကို ရပ်တန့်ခဲ့ရပါသေးတယ်။ Ra Mi-ran ရဲ့ တစ်ချိန်က ခက်ခဲခဲ့တဲ့ ကြိုးစားမှုတွေက အနာဂတ်မှာ အသီးအပွင့်တွေ ခံစားခဲ့ရသလိုပါပဲ။ Ra Mi-ran က လက်ရှိမှာ ဝင်ငွေရှာနိုင်တဲ့ နာမည်ကြီး ဇာတ်ပို့သရုပ်ဆောင် ဖြစ်လာခဲ့ပါတယ်။