အဝါရောင် တန်ဖိုးမြင့်ကားကိုချစ်သူဆီကနေ လက်ဆောင်ရထားတယ်လို့သတင်းထွက်နေတဲ့ Park Min-young

တောင်ကိုရီးယား နာမည်ကြီးမင်းသမီးဖြစ်တဲ့ Park Min-young တစ်ယောက် နာမည်ကြီး စီးပွားရေးသမားဖြစ်တဲ့ Kang Jong-hyun နဲ့ တွဲနေတယ်ဆိုတဲ့သတင်းဟာ ပရိသတ်တွေကြားမှာ စိတ်ဝင်စားမှု မြင့်တက်နေပါတယ်။ ထပ်မံထွက်ရှိလာတဲ့ သတင်းတွေအရ Park Min-young နဲ့ တွဲနေတယ်လို့ သတင်းတွေထွက်နေတဲ့ စီးပွားရေးသမား Kang Jong-hyun က ငွေကြေးနဲ့ပတ်သက်ပြီး အရှုပ်အထွေးရှိတဲ့သူလို့ ပြောနေကြပါတယ်။ 

Kang Jong-hyun ရဲ့ business card ထဲမှာ Bident ၊ Inbiogen ၊ Bucket Studio နဲ့ Bithumb Live တို့ရဲ့ ဥက္ကဌဆိုတဲ့ စာသားပါပါတယ်။ သူ့ကို Bithumb ရဲ့ ဥက္ကဌ အဖြစ်လည်း လူသိများပါတယ်။ Kang Jong-hyun က Hannam-dong မှာရှိတဲ့ ဇိမ်ခံအိမ်ကြီးမှာ နေထိုင်ပြီး အဆိုပါနေရာမှာ Park Min-young လည်း အတူနေထိုင်တယ်လို့ ဓာတ်ပုံတွေအရ သိရပါတယ်။

Kang Jong-hyun က Maybach SUV ၊ Lamborghini ၊ Bentley နဲ့ Rolls-Royce တို့ကို စီးလေ့စီးထရှိပြီး ချစ်ရသူလေး Park Min-young ကိုလည်း အဝါရောင် yellow Urus ကြီး ဝယ်ပေးထားတယ်လို့ သိရပါတယ်။

Kang Jong-hyun က ငွေရှာ အရမ်းတော်တဲ့သူတစ်ယောက်ဖြစ်ပြီး စီးပွားရေးလောကမှာ ငွေကြေးကို နည်းမျိုးစုံနဲ့ ရအောင်ရှာနိုင်တဲ့ သူဌေးကြီးအဖြစ်လည်း ထင်ရှားတယ်လို့ သိရပါတယ်။

သူက အသက်အရွယ်အားဖြင့်လည်း ကြီးတာကြောင့် Park Min-young နဲ့ တွဲနေတာက မလိုက်ဖက်ဘူးလို့ ပရိသတ်တွေက ဝေဖန်ထားကြပါတယ်။  စီးပွားရေး လောကမှာ လည်လည်ပတ်ပတ်ရှိလွန်းလှတဲ့ သူဌေးကြီးနဲ့တွဲနေတဲ့ သတင်းတွေထွက်နေတဲ့တောင်ကိုရီးယားမင်းသမီး Park Min-young ရဲ့ အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။